Lafaek News-Sekretariu Estadu Formasaun Profisonál no Empregu liuhosi Diretór Nasionál Asuntu Traballu, Francisco Tilman, segunda (11/04/22) orienta kedan ona emprejariu média GMN hodi simu fali traballador hamutuk 15 ne’ebé tuir vaga iha RTTL.EP la pasa hodi servisu ho saláriu normal.
SEFOPE mai iha GMN tanba Taballadór nain sanoluresin lima ne’ebé hetan suspensaun hodi GMN, SEFOPE mai hodi partila informasaun kona ba suspensaun nian. suspensaun no terminasaun ne’e buat rua ne’ebé lahanesan. Suspensaun katak iha baut ruma ne’ebé faila ho traballadór tanba ne’e no la signifika atu termina kontratu, entaun SEFOPE hamutuk ho sosiansaun rua, TLPU fó hanoin ba Jerente GMN katak traballadór sira ne’ebé hetan suspensaun bele reativa fali servisu ho saláriu normal.
Ami orienta ona GMN atu reativa fila fali traballadór sira liuhosi akordu ida. lei la taka dalan ba sira ne’ebé hakarak ba aplika fali servisu seluk, sira iha liberdade, Importante mak traballadór sira muda ne’e tanba ho rasaun vensimentu aumenta ka ba tanba ho pozisaun ne’ebé aas kompara ho pozisaun anteriór, importante, bainhira ba fatin seluk tanke halo karta rejignasaun,” dehan Diretór Nasionál Asuntu Traballu, Fransisco Tilman hafoin enkontru hotu ho Jerente GMN iha edifisiu GMN, segunda, (11/04/2022).
Kompania GMN iha modelu kontratu indeterminadu no determinadu katak ba sira ne’e kontratu determinadu karik kompañia la renova, ne’e la’ós kulpa traballadór nian, maibé ne’e kompañia nian karik atu renva ka la renova ne’e depende ba emprejáriu, tanba sira mak kaer kontratu.
Iha sorin seluk, Sekretariu Jerál TLPU, Zezito Da Silva hatete, hafoin simu informasaun hosi traballadór GMN katak GMN halo hela suspensaun ba traballadór nain 15 durante semana ida tiha ona tanba ne’e mak asosiansaun rua TLPU no AJTL halo pedidu audensia ida mai iha GMN no GMN konsidera pedidu ne’e no ohin bele hasoru malu ho GMN.
Rejultadu ne’ebé ohin Asosiasaun rua, TPLU no AJTL halo ho GMN katak, asosisaun rua iha pozisaun klaru ho pontu rua ne’ebé ohin hetan hodi solusaun mak, primeiru traballadór sira ne’ebé halo ona teste iha RTTL, sira nafatin kontinua sira nia teste too rejultadu ne’e sai karik sira ne’ebé mak la liu, Sira nafatin bele mai servisu iha GMN hanesan baibain. Sira ne’ebé liu teste sira bele mai aprezenta sira nai karta rejignasaun.
Zezito dehan diálogu entre GMN no asosiasaun rua ne’e hamutuk ho SEFOPE, ohin hetan ona solusaun katak taraballadór sira ne’e bele ba hala’o teste iha RTTL no aumesmu tempu nafatin kontinua servisu iha GMN no ida bazea ba lai laboral ne’ebé hetan esplikasaun hosi SEFOPE, nune’e suspensaun ne’ebé traballadór sira hetan ne’e hahu iha loron ida fulan Abril to’o ohin loron tanba ne’e nudar asosiasaun lakoi hosik jornalista sira ne’e sai fali vitima ba prosesu ne’e, asosiasaun tenke garante no asegura nafatin jornalista sira hodi nune’e sira bele asume dever profisionál iha area jornalismu nian.
Jornalista : Felisberto Fernandes
Editor : Agapito de Deus
