Lafaek News—IX governu konstituisional liuhusi Sekretaria Estadu Formasaun Profesional no Empregu (SEFOPE) Kuarta, 20/03/2024, halo lansamentu peskiza no abilidade iha tinan 2023 no públikasaun imajen jerál merkadu traballu.
Sekretariu Estadu Formasaun Profesional no Empregu, Rogério de Araújo Mendonça, haktuir polítika SEFOPE, hanesan kna’ar ida ne’ebé garante kualidade de formasaun, tanba papél SEFOPE haree kona-ba empregu nomós traballu, maibé SEFOPE presiza tebes tulun husi entidade hotu hanesan SERVE, KSL, INTL, INSS nomós instituisaun públiku no privadu sira hotu.
“Husi apoiu hirak ne’e, hodi hetan dadus ne’ebé mais konkreta no fixu, presiza mós servisu hamutuk, ho ida ne’e ohin ita halo lansamentu ba imajen jerál kona-ba merkadu traballu, ida ne’e parte ida husi estadu presiza hato’o mós ba iha entidades relevantes sira hodi bele servisu hamutuk, tanba iha 2011 mosu departamentu merkadu traballu, maibé ohin mosu ona ba diresaun hodi lidera kona-ba imajen jerálmerkadu traballu, ita labele mosu deit ho ida peskiza ne’e, Ita nia peskiza kada tinan presiza foti de’it iha área rua empreza ho abilidade, maibé atu akumula hanesan dadus, ne’e la’os atu foti rua ne’e de’it, maibé foti husi siénsia hanesan balu ne’ebé konklui ona nia estudu iha sekundária, universitáriu nomós sentru formasaun sira, ida ne’e hanesan pasu importante ida hodi ita foti hotu, atu nune’e ita bele hatene fila fali kona-ba abilidade ne’ebé empreza sira presiza ne’e mak ida ne’ebé,: governante ne’e sublina.
Tanba ne’e, SEFOPE ne’e husu ba diretor jerál, sekretariadu estratejia nasional no empregu, diretor nasional sentru formasaun merkadu traballu, tenke servisu makas, ida ne’e sai hanesan pilotu ida ba SEFOPE hodi kada tinan bele foti, tanba peskiza ne’ebé SEFOPE foti nia la fó dadus ida ne’ebé fixu, tanba ne’e presiza loke formasaun hotu iha munisipiu to’o ba postu, atu nune’e dadus hotu mai husi suku to’o postu, postu mai munisipiu no mai kedas iha nasional.
“Nune’e husi dadus ne’ebé ita hetan la presiza tinan ida dala ida, maibé ita bele foti mós dadus diariu, seminal,mensal no trimestral”, Rogério de Araújo Mendonça, rekomenda.
https://www.lafaeknews.tl/sefope-despede-ho-traballador-timor-oan-43-molok-ba-australia/
Entretantu Diretor Ezekutivu Sentru Informasaun Merkadu no Traballu, Jenifer Antonio da Cruz Pui, reforsa, lansamentu ne’e hanesan pasu ida ba hodi haree kona-ba imajen jerál merkadu traballu, tanba imajen jerál merkadu traballu hanesan públikasaun ida ne’ebé regular mós kada tinan., liuhusi públikasaun rua ne’e ho objetivu, primeiru atu haree kona-ba peskiza emprezabilidade oinsá atu identifika demanda husi indústria sira.
“Atu nune’e, ajuda polítika públikas ba formasaun professional no empregu, liu-liu kona-ba formasaun professional ninian, tanba ita presiza eskil ida ne’ebé diak hodi uza dadus ne’e atu halo planu hodi investe ba sentru formasaun sira, nune’e bele fó formasaun ba ita nia joven sira, ida ne’ebé apar ho industria, segundu ko’alia kona-na imajen jerál merkadu traballu nia públikasaun hotu, ita presiza akumula dadus hotu ne’ebé mak ita rekolla husi instituisaun públika no privadu sira, atu nune’e ita hatene situasaun ka kapasidade merkadu traballu iha ita nia rai”, Jenifer Antonio da Cruz informa.
Nia dehan, husu polítika IX governu liuhusi SEFOPE, presiza haforsa investimentu ba sentru formasaun sira, liu-liu kona-ba lingua inglés, tanba regezitus lingua bainhira ema presiza traballadór ruma ema presiza tenke hatene lian ingles, tanba ne’e ita presiza investe iha sentru formasaun sira hodi ita bele tau lingua ingles sai hanesan prioridade ba formasaun iha área hotu-hotu.
“Ko’alia kona-ba polítika re-integrasaun, ita presiza Timor-Leste iha nia polítika ida diak ba re-integrasaun, liu-liu ita nia traballadór sira ne’ebé mak ba servisu iha rai liur, atu nune’e bainhira sira fila fali mai oinsá sira bele aplika sira nia abilidade no koñesimentu ne’ebé sira hetan iha ema nia rai, tanba ne’e husu ba governu iha Timor-Leste tenke fasilita sira depois de traballadór sira ne’e re-integrasaun lakoi ba servisu ona iha rai liur, sira bele investe buat ruma iha ita nia rai, liuhusi koñesimentu no abilidade ne’ebé mak sira hetan iha ema nia rai”, Jenifer Antonio da Cruz hakotu.
Jornalista : Crispin de J. Amaral
Editor : Agapito de Deus
