Lafaek News–Sekretaria Estadu Formasaun Professionál no Empregu SEFOPE liuhosi Diresaun Nasionál Empregu Esteriu (DNEE) haruka tan Traballador nain 46 ba servisu iha Austrália.
Diretór DNEE, Filomeno Soares, katak ema hotu hatene iha tinan 2022 SEFOPE halo mobiliza traballadór ba Austrália hamutuk dala-19 ona, no ba tinan ne’e traballador hamutuk 453 maka tama ona servisu iha Austrália.
Pasu ida positivu tebes, ho kooperasaun ne’ebé mak governu halo através SEFOPE bele hetan konfiansa husi ita nia empregadór sira, ajénsia sira iha Austrália no governu Austrália da-daun ne’e loke odamatan atu simu traballadó barak liután” Dehan Diretor DNEE filomeno Soares ba jornalista sira iha Bekora Sala Diretor DNEE, Tersa (26/04/2022).
hodi dehan, planu ba tinan ida ne’e hakarak atinje tarjetu traballadores 2500, tuir planu anual ne’ebe kada tinan sempre halo tuir programa Seasonal Worker, iha programa segundu nian mak programa Pacific Labour Scheme (PLS), iha planu ne’e hakarak atinje 300 trabalhadór.
Nia Sublinã, programa PLS ne’e foun, tan ne’e kompania ne’ebé atu emprega traballadór mós limitadu, maibé koko atu prepara di’ak liután bele hetan konfiansa husi empregadór sira husi Austrália, progarama ne’e ho durasaun kontratu, tanba iha pacific labour scheme ne’e ema hotu hatene katak nia durasaun ne’e minímu tinan 1 másimu to tinan 3.
Iha sorin seluk iha mós programa Pasific Australian Labour Mobility (PALM) mak hanesan umbrella boot ba progarama rua hanesan Seasonal Worker Persona (SWP) ho Pacific labour scheme, ne’ebe prosesu tékniku ne’e kuaze hala’o ida de’it, uluk ne’e ajénsia keta-ketak, maibé agora ida de’it ona.
Ohin ita prepara trabalhador hamutuk 46 pessoas Feto 5 no Mane 41, ba iha kompana tolu, sira ne’e aranka iha aban no ba servisu iha area Aréa Orti-kultura” infoma nia.
Nia akresenta, semana oin sei mobiliza barak liután atu ba Austrália, agora SEFOPE prepara hela pre-departure ba sira, kontratu mos tama barak, tanba ne’e husu ba Timor-oan ne’ebe naran tama iha sistema ne’e favor ida mai check informasaun direta iha SEFOPEe atu bele check iha sistema.
Iha ne’e mak it’s bele hasoru ho ita kontatu pesoalatu bele fo esplikasaun hodi labele dúvida iha liur, tanba atendimentu ne’e la’os ema nain ida rua de’it, maibé joven Timor tomak inklui munisípiu sanulu resin tolu,” sujere nia.
Jornalista : Felisberto Fernandes
Editór : Agapito de Deus
