Lafaek News–Ministériu Edukasaun Juventude no Desportu (MEJD) hala’o lansamentu ba distribuisaun materiál konsumavél aprendizajen ba pre-eskolár hamutuk 540 iha teritóriu nasionál ho objetivu atu hadi’ak asesu, kualidade no jestaun pre-eskolár.
HANDS (Halimar, Aprende no deskobre susesu) hanesan progarama pre-eskolár hosi Ministériu Edukasaun Juventude no Desportu (MEJD) ne’ebé hetan apoiu hosi governu Nova-Zelándia ho objetivu atu hadi’ak, asesu, kualidade no jestaun pre-eskolár iha Timor-Leste.
Programa HANDS dahuluk komesa tiha ona iha tinan 2015-2020, no hetan tan fiar hosi governu Nova Zeléndia atu estende tan ninia servisu ba durasaun tinan 5 (2021-2025),” hakerek iha komunikadu imprensa ne’ebé Jornalista sira asesu iha serimonia lansamentu, iha Ministeriu Edukasaun Juventude no Desportu (MEJD) Villa Verde Dili, tersa, (26/04/2022)
Lansamentu Ida ne’e hanesan eventu importante Ida atu komesa prosesa distribuisaun materiál aprendizajen ba pre-eskolár 540 (pre-eskolár komunitariu 103, Pre-eskolár públiku, provada, 437) iha Timor-leste.
Totál estudante benefisiáriu hamutuk 28857 pre-eskolár, hirak ne’e kompostu hosi pre-eskolár públiku, Provada, Katoliku no pre-eskolár komunitariu.
Osan ba projetu ida-ne’e hamutuk $ 239,500.00, orsamentu Ida- ne’e hanesan hola parte iha fundus apoiu governu Nova Zeléndia nian ba progarama HANDS daruak ba tinan liman nune’e, orsamentu refere utiliza ba aprovisionentu materiál aprendizajen, pakotamentu, distribisaun no treinamentu ba profesór sira Kona-ba utilizasaun no oinsa rai material hirak ne’e ho diak.
Material hirak ne’e sei distribui ba pre-eskolár sira hotu entre 27 Abril ate 6 Maiu 2022, ekipa nasionál sei Lori material hirak ne’e ba munisipiu, no ekipa munisípiu mak sei responsabiliza atu distribui ba pre-eskolár sira hotu.
Iha sorin seluk, Nick Borthwick First secretary New Zealand Embassy hatete, Nova Zeléndia kontente tebes hodi kontinua fó apoiu Ministeriu Edukasaun Juventude no Desportu liu hosi programa HANDS, no edukasaun sedu ba labarik ne’e di’ak liu no fo oportunidade ba labarik sira Nia susesu akademiku iha sira Nia vida tomak.
Edukasaun sedu mak faze ne’ebé foka ba nessidade labarik nian, difisíl liu atu se la iha material aprendizajen sira ne’ebé fó biban ba labarik sira dezenvolve kompriensaun simples, ko’alia, abilidade numerásia no literásia.
Ha’u haksolok tebes atu lansa material konsumavél ba programa daruak HAND ho Ministériu Edukasaun Juventude no Desportu liuhosi DiretórJerál Edukasaun no Ensinu,” dehan nia.
Nia hakotu, distribisaun Ida ne’e hanesan programa daruak HANDS nian atu hasa’e koñesementu manorin sira nian hodi haree labarik sira hanesan sentru ba aprende.
Jornalista : Felisberto Fernandes
Editor : Agapito de Deus
