Lafaek News—Sekretáriu Estadu Formasaun Professional no Empregu (SEFOPE) hala’o despedia ho kandidatu traballadór Timor-Oan hamutuk 47 atu ba servisu iha Korea Sul.
Sekretáriu Estadu Formasaun Professional no Empregu, Rogério de Araújo Mendonça, hateten polítika ba oin atu loke formasaun rejistu ba iha lian Korea Japaun no Austrália, SEFOPE sei servisu hamutuk ho autoridade lokál, sei lori viza familia kada uma kain hodi hatama ba iha sistema hodi nune’e bele redus númeru ilegal.
“polítika ba oin ha’u hanoin atu loke formasaun rejistu ba iha teste lian Korea Austrália no japaun ami sei servisu hamutuk ho autoridade lokál xefi aldeia xefi suku sei lori viza kada uma kain hatama iha sistema”
Nia salienta, liu husi viza familia ne’e hodi evita traballadór sira atu labele halai husi sistema, maibé familia ida ne’ebé nia sai ona husi sistema otomatikamente ninia alin ou nia família sei la hetan tan oportunidade hodi ba servisu iha Korea Austrália no Japaun.
“Tanba ita falta de desamina informasaun ba ita nia traballadór sira maioria sira nia hanoin ida agora ne’e tanba de’it buat ida sira sai ilegal ne’e la selu taxa ba Guverno maibé nia risku mós iha se ita Governo nasaun rua ne’e desamina informasaun di’ak ba ita nia traballadór otomatikamente sira la sai husi sistema tanba proteje sira nia direitu iha laboral”
Entretantu traballadór ne’ebé sai husi sistema sae on aba porsentu 30, governu Korea du Sul ho Timor Leste sei servisu hamutuk hodi buka solusaun ba traballadór Timor-oan ne’ebé halai sai husi sistema konkordánsia entre governu nain rua ne’e.
Jornalista : Felix Fernandes
Editór : Agapito de Deus
