Lafaek News—Enséndiu iha aldeia Kaitarahei suku Tokoluli postu administrativu Railaku munisípiu Ermera, inséndiu ne’e halo labarik estudante nain tolu ne’ebé foin fila husi eskola haree uma ahi han motuk hatauk sira nia hanoin inan-aman mate hotu ona
Labarik Nain tolu ne’e ida naran Jacson Ribeiro Xavier (24/02/2014), Erlya Madalena Ribeiro Xavier (21/07/2015), no Mirania Ribeiro Xavier (13/09/2017), sira nain tolu halo proseu aprendijazen iha eskola Primaria Fatuquero sai vítima iha akontesimentu ahi han ai-laran iha aldeia Kaitarahei Postu Railaku munisípio Ermera hafoin fila husi escola ba uma.
Kronolojia lolos husi akontesimentu ne’e, mosu 12 de Setembro 2023 ahi han ai laran parte Railaku, labarik nain tolu hafoin fila hosi escola ba uma, maibe iha dalan klaran, ahi lakan makas akompania hosi anin, labarik sira tauk no halai tun sa’e buka tulun, tanba ahi lakan hadulas ona sira, ho grasa maromak, teki-teki ekipa floresta municipio Ermera too kedan iha fatin hodi salva labarik nain tolu husi fatin inséndiu, maibé ho kondisaun nafatin.
Hosi vidio ne’ebe viral iha media sosial hatudu labarik feto tanis hodi hatan perguntas husi guarda floreta husu o nia apa ama iha ne’ebe?, labarik ho matan-wen hatan, apa ho ama mate tiha ona, uma mos ahi han hotu kedan” dehan labarik feto ne’e ho tanis.
Distánsia entre labarik nain tolu nia uma ho eskola, kilu-metru 3, sira nain tolu hateke hosi dook ahi susar maka’as, tanba ho tauk sira nia inan-aman la salva an husi inséndiu, labarik nain tolu halai too iha fatin inséndiu, maibé laiha impaktu rum aba sira nain tolu, maske ahi lakan hadulas sira nain tolu, hafoin hetan protesaun husi guarda Floresta.
Simão dos Santos Sores guarda Floresta, haktuir ba lafaek news, nia mak salva lalais labarik nain tolu husi inséndiu refere.
“Labarik nain tolu ne’e sai husi escola sira fila ba sira nia uma, maibe iha ailaran ahi lakan sae makas no sira haree ahi lakan haleu sira nia uma, sira tauk halai fila, ami mos hamate hela ahi, sira nain tolu tanis hasoru ami entaun ami halai hasoru sira hodi salva sira nain tolu hosi ahi lakan ne’ebe akompania ho anin,
labarik nain tolu dehan sira nia inan aman mate hotu ona husi inséndiu ne’e, maibe realide inan aman di’ak hela, hafoin ami ba vizita sira nia hela fatin, husi evakuasaun ne’e ami nia ekipa ida mak nia fuuk ahi han , no ha’u nia faru mak kuak husi ai klaak, Ha’u husu sira dehan apa ho aman iha ne’ebe sira dehan apa ho aman ahi han sira, dehan apa ama mate ona ho nune’e ha’u salva sira, hodi ba fatin seguru no ami buka tuir kedan nia familia, maibé ami too iha labarik sira nia hela fatin, ami hare inan aman diak hela, maibe nia uma sorin mak ahi han,” nia haktuir.
Iha parte seluk Herique Soares, nudar vítima tanba ahi han nia plantasaun ai-mahoni ektares 1, ai-hun 1200 maka ahi han motuk, no ai seluk ne’ebé estragus iha plantasaun laran mak hanesan lamtoro ho nanas.
“Ai mahoni ho aiteka ne’e nia kuda hetan apoiu husi governu liu husi Floresta nian “ Ha’u lakon, estadu lakon tanba estadu fo ha’u kuda atu sustenta ha’u nia moris, maibé ahi han ne’e mak atu hatoo ona ba Xefe Suku no Xefe Aldea atu buka tuir se mak sunu rai,” konta vítima ba lafaek news.
Iha sorin seluk Armando de Deus Gama, nu’udar Funsionáriu Diresaun Floresta plantasaun munisípiu Ermera katak, espesias animál ne’ebe hela iha rai leten makhanesan manu loriku, manu kakatua, karau fuik busa, fuik, fahi fuik rusa, meda, laku, samea, lekirauk, too agora parte guarda seidauk hetan animal ida mate, maibe ai tahan sira mak komesa namlaek.
“Iha kraik uma tolu hanesan uma toos rua maka ahi han motuk no labarik sira nia uma mak ahi han sorin, maibe labarik sira nia pai salva hodi hamate ahi entau han de’it didin sorin, maibe nia aman hadia fila fali uma ona.
Iha insedu ne’e gaurda Floresta lori ai tahan matak maka hamate ahi, maibe ahi kontinia lakan makas maka ekipa husu tulun ba ekipa Bomberos munisipiu Ermera hodi hamate ahi ne’ebe lakan besik komunidade nian uma.
Jornalista : Acacio Pinto
Editor : Agapito de Deus
