Lafaek News— Assosiasaun Unidade Feto ba Dezenvolvimentu (AUFD) atribui sertifikadu ba formandus nain 81 iha area kompostu husi administrasaun, Jornalizmu, Lingua Ingles no komputador.
Diretor jerál SEFOPE Paulo Alves afirma nia parte apresia inisiativa AUFD hamriik hodi kapasita joven Timor-oan sira iha area administrasaun, lian Portuges ho Ingles inklui jornalismu bázika, asaun ne’e pozitivu bele kontribui ona ba prosesu dezenvolvimentu nasional iha setor rekursu umanu.
“Ha’u hanoin inisiativa di’ak, tanba ha’u nia intervensaun haree Timor laran tomak informasaun barak la halimar sentro Formasaun Akreditadu Sentru Formasaun Rejistradu ba Formasaun komunitariu i ha’u mos foin rona katak AUFD harii ona durante tinan 12 sira fo duni formasaun ba Joven sira Liu liu iha munisípiu Baukau,” Diretór jeral SEFOPE, Paulo Alves ba Jornalista sira iha salaun Apuramento Munisipiu Baukau, (02/09/2022).
Diretor jeral SEFOPE ne’e argumenta, oitavo governu liu husi SEFOPE iha komitmentu atu dezenvolve formandus sira oinsá atu bele hatama proposta husi SEFOPE bele halo avaliasaun atu fo apoia iha area formasaun nian, no mos ajuda formandus sira iha inisiativa atu halo negósiu.
Iha fatin hanesan Diretora AUFD Bendita Amaral, haktuir ejisténsia AUFD durante tinan12 produs ona formandu barak iha area administrasaun Jornalizmu Lingua Ingles no komputador, maibé AUFD hasoru dezafius iha area finanseiru, maibé ida ne’e la hamate vontade hodi kontinua promove Joven sira liu husi formasaun area oi-oin.
Jornalista : Ana Romana
Editor : Agapito de Deus
