Lafaek News—Prezidente Repúblika, Jose Ramos Horta hateten, sarani Timor Leste, simu kardeal Dom Virgílio do Carmo la’os kareira, maibé hanesan previléjiu ne’ebé Igreja universal haraik nasaun doben Timor Leste.
Ita boot rasik halo deklarasaun iha media katak hatais kultura no simu direta kardinalizmu la’os karreira ida, maibe previleju ne’ebe igreja Universal haraik mai igreja partikular Timor Leste, ritos Kardeal ida ne’e hanesan meritos ida ba sarani katolika no povo Timor Leste nian,” dehan Ramos ba sarani sira iha igreja Katedral Dili, segunda (05/09/2022).
Ramos Horta lori xefe estadu nia naran kongratula Timor-oan ida ne’ebé foin dahuluk Amo Papa nomea hanesan kardeal ba sarani katólika tomak iha mundu liu-liu Timor Leste.
Hodi dehan, Igreja Katedral Dili hanesan monumentu boot ida iha mundo tomak tanba, husi portaun boot iha assinatura rua, no mos ohin loron iha tan ona Kardeal foun iha rai doben ida ne’e, Katedral ida ne’e ohin sai tan hanesan monumental tebes ba igreja katólika iha rai doben Timor Leste.
Saudasaun Timor tomak, tan ne’e lori estadu tomak nia naran nu’udar Xefe Estadu hatoo saudasaun no kongratula ba Virgílio do Carmo ne’ebe tama ona ba kolégiu kardinalizmu.
Horta afirma, igreja katedral ida ne’e agora sai ona hanesan monumente boot teb-tebes ba mundo ita tama iha uma kreda boot ida ne’e iha odamatan boot nian iha asinatura rua ne’ebe mak assina husi Soeharto Prezidente Republika Indonézia iha monumento ne’ebé iha oin no ida seluk nu’udar figura husi Islam ida ne’ebé inagura projetu konstrusaun 12 Novembro iha 1978, no seluk assinatura husi lita espiritual karismátiku Katólika papa São João Paulo II iha 12 de Novembro 1989, la iha tan katedral ruma iha mundo ne’ebe mak konserva plaka movimental hanesan ida ne’e.
Iha katedral ida ne’e liu tiha tinan 450 mai too agora foin Bispo ida eleitu hodi kaer vokasaun iha igreja partikular iha Timor Lorosa’e, tan ne’e ha’u nuudar Xefe Estadu agradese dala ida tan no hala’o misaun ne’e ho diak no kolabora hamutuk nafatin ho sarani no povo tomak hodi harii nafatin ksolok iha ita nia rai doben ida ne’e,” Nia hakotu
Estajiada : Silena Albuquerque
Editór : Agapito de Deus
