Lafaek News—Governu liu husi Sekretáriu Estadu Arte no Kultura (SEAK) Kuarta, 27/09/2023, Iha ne’ebé nafatin promove bibliéoteka hodi kapasita foinsa’e sira iha área lee no hakerek.
Sekretáriu Estadu Arte no Kultura (SEAK), Manuel Smith hatete, Atividade ne’ebé mak sekretáriu estadu halo ne’e konsentra iha Diresaun Nasionál Biblioteka Museum, nomós atividade ne’e sempre halo tinan tinan tanba diresaun refere hare’e liu kona-ba papél joventude mak barak liu, tanba ne’e governu liuhusi SEAK promove biblioteka hodi nune’e bele kapasita foinsa’e sira iha área lee no hakerek.
“Governu liu husi Sekretáriu Estadu Arte no Kultura nafatin promove ba iha kultura le’e liu-liu ita nia foinsa’e sira, tanba buat ida ne’ebé mak promove kultura lee atu redús ita husi asaun sira seluk ne’ebé la fó impaktu ba prosesu dezemvilmentu nasionál,” Manuel dehan.
Nia salienta tan katak, Ho poletikae SEAK nian nafatin promove atividade biblioteka hodi servisu hamutuk ho ensinu sekundáriu sira atu nune’e bele komvida matenek na’in sira ne’ebé reprezenta kada ensinu sekundáriu hodi bele kompete liu-liu iha kompetisaun mundu literária foinsa’e sira nian.
“Ho polítika ida ne’e ita nia fundamentu liu ba foin sira atu nu’une ita hatene katak foinsa’e sira mai partisipa iha prosesu kompetisaun ida ne’e hanesan nafatin matadalan, no aprende nafatin hodi bele kompete nafatin, ”katak nia.
Iha sorin seluk diretór nasionál biblioteka no muzeum Joao de Fatima da Cruz hatutan tan, Orsamentu anuál ne’ebé mak tau iha diresaun hodi halo atividade orsamentu ne’ebé mak justu hodi halo atividade nivel munisípiu Díli liu-liu ba eskola sekundáriu sira ne’ebé mak iha kapitál Díli.
“Atividade ne’e ami hahú halo iha kapitál Díli depois de ami sei halo fali avaliasaun ba tinan oin mai la’ós iha Díli de’it maibé ami habelar ba ita nia munisípiu sira, orsamentu ne’ebé ami tau ba ne’e justu, bele halo atividade ne’e iha ita nia munisípiu Díli liu-liu ba eskola sekundáriu ne’ebé mak iha kapital nasaun,” nia informa.
Entretantu ba atividade diskursu ne’ebé mak hala’o iha kapitál Díli husi parte diresaun nasionál biblioteka aloka orsamentu $7500, orsamentu ne’e sei aloka ba estudante sira ne’ebé mak hetan primeiru lugar to’o Kintu lugar, enkuantu estudante ne’ebé mak partisipa iha atividade diskursu ne’e mai husi eskola sekundáriu 8 ho totál estudante hamutuk na’in 16.
Jornalista : Felix Fernandes
Editor : Paulo Collo
