Lafaek News—Kandidatura xefe suku Maubara, postu administrativu Maubara, munisípiu Likísa, Iha ne’ebé Joanito Maya da Cruz, Prontu kandidata aan ba xefe suku Maubara ba períodu 2023-2030 hodi lori dezenvolvimentu ba ninia suku rasik.
Kandidatura xefe suku Maubara Joanito da Cruz Maya, ba Lafaek News Kuarta 27/09/2023, hatete katak, tempu ona jerasaun foun hamri’ik hodi hare’e ba dezenvolvimentu.
“Jerasaun foun hakarak kandidatu aan iha eleisaun suku ne’ebé mak atu mai, hodi lori lian laek sira ba iha era dezenvolvimentu durante iha ha’u nia mandatu ukun, Iha ha’u nia razaun fundamentu liu maka no obriga ha’u tenke hamri’ik para kontinua saida mak presiza halo iha suku ne’e rasik no ha’u hare’e katak kondisaun no situasaun ne’ebé mak akontese iha ami nia suku refere ho kondisaun mak la permite do’ok los no ses husi sistema demokrásia ne’e rasik,” Joanito dehan.
Nia akresenta tan, La garante dezenvolvimentu sustentavel no husi ne’e mak hare’e katak iha failansu injusta realidade injusta dogmatija bele dehan domina iha sosiedade ka komunidade ida hahorik ba ne’e, tan ne’e hare’e katak ida la justa ona.
“Ha’u hamri’ik ba para hodi hare’e kontinua hodi responde no fó solusaun di’ak ba dezenvolvimentu hahú husi suku ne’e rasik,agora ita hare’e katak ohin loron ne’e hanesan ne’ebé ,liu-liu ha’u nia joventude sira dezenpregadu no razaun ida ne’ebé mak ha’u hamri’ik tan ne’e maka ha’u mai ho programa ne’ebé mak ha’u perioridade, bainhira ha’u eleitu ba iha xefe suku hahú husi períodu tinan 2023 to’o 2030 ha’u fiar katak iha esperansa ha’u sei bele halo buat di’ak ba komunidade hodi bele tulun komunidade sira iha suku refere,” katak nia.
Nia informa, Husi aspektu edukasaun popular kaderniza sira liu husi formasaun edukasaun síviku, hare’e analfabetiza ba komunidade ne’ebé la koñese letra nue bele orienta sira koñese letra nomós ba kolega sira ne’ebé mak hatene hela lee maibé lakonsege kontinua eskola tamba de’it nesesidade no kolega joventude ne’ebé maka lakonsege ka nessesidade tulun sira hodi estudu iha universidade dala barak sira hakarak maibé obrigasaun ekonómia labele sufisiente garante para atu kontinua iha universidade.
“Ho kestoens ida ne’e mak oinsá motiva ha’u atu hamri’ik hodi halian reforsa hodi fo solusaun ba sira nia preokupasaun ida ne’e liu husi aspetu saida maka garante sira nia hakarak lolós, ha’u mak eleitu ba xefe suku ha’u garante katak ha’u kria kondisoens ida ne’ebé maka bele tulun sira no liu husi ajuda diploma gratuita ba sira, ha’u sei kordena ho diretór eskola sira para bele ajuda fó diploma gratuita ba sira no ha’u hakarak loke kursu ida hanesan lian Inglés no lian Korea nomós ho nasaun Australia ninian tulun sira para hodi hetan kampu trabalho iha rai li’ur,” tenik nia.
Entretantu xefe suku sesante ne’e asume kna’ar liu husi eleisaun depois hetan dezanstre no hakotu i’is iha tinan kotuk liu ba, hafoin liu husi konsellu suku nomea fila fali ema seluk hodi substitui ba nia fatin to’o hela agora, ho nia kontribuisaun ba komunidade ne’e rasik tenke apresia no rekoñese ninia kontribuisaun ba dezenvolvimentu durante iha nia mandatu.
“Hau agradese no apresia ba mandatu ida atuál ne’e ami nia xefe suku ida ne’ebé maka antes ne’e lori hela no lakonsege to’o finalidade ikus mai ita bele dehan distinu maromak bolu tiha depois ikus mai troka fila-fali ida ate agora sei lori hela kuaze tinan ida ona no ita hare’e katak iha dezafiu ne’ebé mak hasoru iha xefe suku ida anterior ne’e maibé ita hare’e katak iha deslzafiu no buat balun ke nia halo ita bele hare’e katak estrada be’e mos liu-liu iha saneamentu be’e mos komesa iha, ahi tama ba aldeia ba aldeia,” hatete Joanito.
Joanito mai ho idade 22 dadaun ne’e hala’o estudu iha Universidade Orientál Timor Lorosa’e (UNITAL) Fakuldade Direitu, Departamentu Direitu Jerál semestre neen (6) husi munisípiu Likísa postu administrativu maubara, suku Maubara.
Jornalista : Arnaldo Nunes
Editor : Paulo Collo
