Lafaek news—Sekretáriu Estadu Arte no Kultura (SEAK) hamutuk ho Centru nasionál Chega (CNC) Ensera ona Festivál kulturál fronteira 2023 iha Bobonaru postu administrativu Maliana ho susesu.
Diretór ezecutivu Centru Nasionál Chega Hugo Maria Fernandes, Sesta (18/11/2023), Iha nia diskusu hato’o apresiasaun ne’ebé aas tebes ba komunidade Bobonaro ne’ebé mak fo sira nia kontribuisaun hodi apoiu Festival kulturál fronteira ne’e la’o di’ak tebes.
“Ha’u nia laran monu tebes hodi hare’e eventu loron tolu ne’e la’o ho hakmatek, iha loron tolu nia laran ita bo’ot sira akompaña iha kolónia semináriu ne’ebé mak ko’alia kona-ba lasus kulturais, lisan ne’ebé mak hametin ita Timor oan, ita mós hanoin hikas ita líder iha tinan 24 liubá bainhira konsellu nasionál rezisténsia Timor atu dezenvolve lider sira, hatur kedas konseitu rekonsiliasaun, ha’u hakarak sira iha ne’e tuir relatóriu Chega nia kona-ba signifika husi Rekonsiliasaun nu’udar prosesu hodi rekoñese no sala sira iha pasadu inklui arependementu nomós perdaun, nu’udar pasu importante ida hodi hetan justisa, rekonsiliasaun mós tenke imvobe Timoroan sira bele hakotu tiha Siklu akuzasaun bosok no dun malu,” dehan Hugo.
Iha sorin seluk Sekretáriu Estadu Arte no Kultura Jorge Soares Cristovao subliña tan katak objetivu husi Festivál kulturál fronteira ne’e atu bele ekoraza jerasaun foun sira atu bele hanoin krítiku ba topiku sira relasiona konflitu iha pasadu ba fraternidade humana iha fronteira atu promove diálogu entre jerasaun foun Timor-Leste ho Indonézia atu bele hametin liután unidade iha fronteira.
“Festival fronteira la’ós mak ida ne’e de’it ami ko’alia ona CNC hanoin atu halo festivál atu halo eventu anuál tanbá ne’e ohin tinan 2023 ita hahú loke iha Bobonaru, depois de tinan 2024 ekipa ne’ebé ami sei deskuti hodi realiza entre municipiu husi Kovalima no RAEOA ikus lori komisaun oraganidora no Govenu hato’o agradese ba parte hotu ne’ebé mak fo nia apoiu tomak festivál froteira ida ne’e,” katak nia.
Tuir obserbasaun Lafaek Newa news nota katak enseramentu festivál fronteira 2023 interkambiu kulturál ba hametin rekosilisaun ne’e ensera ho dansa kultura husi Indonézia no Timor-leste no hetan deivertimentu husi Artista Timorona ho Indonézia no partisipasaun máximu husi komunidade refere.
Jornalista : Mateus F. de Deus
Editór : Paulo Collo