Lafaek News-(Lautem)-Sekretáriu munisípiu Lautém, Jacinto da Costa rekomenda ba kandidatu Prezidente Repúblika nain rua Lú Olo ho Ramos Horta, se mak sa’e ba kaer ukun labele sobu tun-sobu sa’e hodi hakiak krize iha nasaun, povu nia moris la tane liman ba boot sira, maibé ema kiik sira buka rasik osan hodi moris.
Prezidente ida ba maka hakarak sobu tun-sobu sae, ida ne’e povu la hakamatek ida ne’e imapase polítika mosu fali fo impaktu boot ba ekonomia ba ita funsionariu no ema boot sira fulan-fulan ita iha hahán atu han no osan atu uza, maibé ita nia povu kiik fán modo iha merkadu ne’e sai dodok de’it ema la sosa, tanba krize polítika no afeita mos ba sirkulasaun orsamentu iha Timor-laran laiha,’’ dehan Jacinto da Costa ba jornalista sira iha Lautém, Domingu (10/04/22).
Jacinto relata, situasaun ohin loron realidade povu negosiante kiik sira susar hetan rendimentu loro-loron, fán modo husi dader too kalan folin laiha tanba kauza husi impase polítika afeta sirkaluasaun osan no dezenvolvimentu hakdasak kauza projesaun estadu nian la la’o hakat ba oin.
Ita nia povu negosiu sira susar liu, ida ne’e mak esperansa povu Lautem nian ba se de’it mak atu sai prezidente repúblika tenke halo rai ne’e hakmatek atu povu ida-idak halo nia servisu hodi buka moris tanba Ita boot sira la’os mak loron-loron fo han povu fo osan povu la’e, maibé povu hakarak moris dignu hanesan Timor-oan,’’ Sekretario Munisípiu Lautém ne’e akresenta.
Ikus liu, nia optimista esperansa povu Lautém hotu nian hakarak kandidatu ida ne’ebé halo rai ne’e hakmatek ko’alia ba malu iha orgaun soberanu hotu atu nasaun nia servisu tenke la’o ba oin.
Jornalista : Acacio Pinto
Editor : Agapito de Deus
