LafaekNews–Militante partidu FRETILIN aldeia Metin 1 Suku Bebonuk, husu kandidatu númeru 2 Francisco Guterres Lù Olo, bainhira manan iha eleisaun segudu volta tenke apoiu redi ho ró ba peskador Bebonuk hodi buka netik moris iha tasi-laran.
vise Koordenador partidu FRETILIN Suku Bebonuk aldeia Metin 1 Martinho Francisco da Silva deklara asuntu ne’e hafoin remata mini diálogu ho militante partidu FRETILIN iha Suku Bebonuk iha suku Bebonuk sábadu (09/04/2022).
Durante diálogu ne’e Militante sira husu kandidatu Lú Olo manan iha eleisaun segudu volta ida ne’e sira husu peskador sira husu aranja sira nia redi ho Vero uza hodi buka moris iha tasi laran no mos ba arte marsias sira husu se bele ko’alia ho governu, atu halo atividade desportu ne’ebé mak iha bele kontinua ba oin”, hatete Koordenador partidu FRETILIN Suku Bebonuk aldeia Metin Satu Martinho Francisco da Silva ba jornalista hafoin remata diálogu iha Suku Bebonuk Sabadu (09/04/2022).
Martinho relata, objetivu husi mini-kampaña ne’e hakarak hatoo ba militantes no partidu aliadus sira atu vota ba kandidatu númeru 2, nune’e bele manan iha segundu ronde, kuaze teritóriu laran tomak hakarak mobiliza simpatizantes no partidu aliadus sira, arte marsias sira, halibur hodi junta polítika hodi garante vitoria ba Lú Olo iha segudu ronde.
Iha diálogu ne’e ko’alia liu kona-ba programa ne’ebé ita nia atúal Presidente Repúblika Francisco Guterres Lú Olo halo ba rai ne’e, ida ne’e mak esensiál liu, ne’e mak ami hatoo ba militante sira, tanba durante nia mandatu terseira idade nia osan sa’e, halo uma ba kbiit-laek sira, autoridade lokal nia osan sa’e, programa ida ne’e mak di’ak, bele gaña ami nia militante sira atu vota ba kandidatu Lú Olo”, katak Koordenador ne’e.
Observasaun lafaek news iha diálogu ne’e partisipa husi militantes partidu FRETILIN, PLP ,KHUNTO ,Os Verdes, PD no CNRT balu, total Militante ne’ebé mak ohin partisipa iha diálogu iha aldeia Metin Satu, suku Bebonuk hamutuk militante na’in 250.
Jornalista : Rita Moniz
Editór : Agapito de Deus
