Lautém-(Lafaek News)—Labarik mane oan idade naran, Fordito Fernandes ho Idade (6) Eskola iha Ensino Pre-primaria Filial de sika, klase primeiru Ano (1) oan husi, Jefri Fernandes Xavier, Siquita da Costa, ne’ebe maka sai vítima ba teknolójia tanba haree telefone lor-loron.
Fordito Fernandes idade (6), matan laran mean no tauk hateke ba loron manas. foto LN Aniceto Dias.
“Ha’u tanis ba telefone ne’ebé ha’u nia papa sosa telefone Samsung J1 hodi Ha’u haree video boneka, maibe antes ne’e ha’u nia matan bainhira loron manas Ha’u hetan Rai ne’ebe Ha’u nonton mak at no matan been tun hela de’it,” Fordito, afirma ba lafaek news iha Lautem Sika aldeia malailada, foin lalais ne’e.
Labarik ho idade 6 ne’e konta nia istória katak antes ne’e nia komesa haree rai ladún mós bainhira iha tempu loron manas, no laiha atensaun husi nia papa ho mama, ikus mai nia husu telefone ho marka Samsung j1 hodi haree filme loro-loron liu husi youtube derrepente matan ben sulin no haree rai malahuk ona.
“Loron manas Ha’u la hetan Rai no Ha’u Nia matan been tun hela de’it no bainhira tempu kalan ha’u toba matan moras ho Ida ne’e Ha’u tanis hela de’it, bainhira ha’u hader mai ha’u bolu ha’u nia Ama hodi kaer Ha’u liman mak foin ha’u hadeer hodi Ha’u ba fase oin,” hateten
Fordito nia matan besik ona tinan Ida resin kontinua haree la mos, maibé seidauk iha tratamentu, maibé susar atu estuda tanba matan-ben suli hela de’it lor-loron.
Entretantu, jornalista lafaek news tenta konfirma Fordito nia papa ho mama atu hatene bainhira mak bele lori nia ba hala’o tratamentu nune’e bele rekupera fali hodi bele estuda ho di’ak, maibé iha momentu entrevista ho Fordito, nia papa ho mama sai hela ba toos no hela de’it labarik ne’e ho nia avo feto mak iha hela uma.
Jornalista : Aniceto Dias
Editora : Nelya Barros
