DESPORTU · 6 Dec 2020 23:03 ·

Lalenok Hakat ba Final, Hafoin ‘Tebe Sai’ Boavista


Lalenok Hakat ba Final, Hafoin ‘Tebe Sai’ Boavista Perbesar

Lafaek News—Lalenok United FC susesu hakat ba finál Taxa 12 novemberu tinan ida ne’e hafoin halakon ninia adversáriu Boavista FC liuhosi drama penalidade.

Antes halakon ninia adversáriu Boavista FC liuhosi drama xuta penalidade ho score 3-1, ekípa rua jogu iha tempu normal empata ho score 1-1. No jogu entre ekípa rua ne’e hala’o iha Stádiu Munisipál Dili, sábadu (5/12).

Iha inísiu jogu ekipa rua hotu-hotu hatudu ritmu joga ne’ebé furak iha kampu, hodi atrai adeptus football lovers ne’ebé asiste hela jogu refere.

Bainhira jogu ne’e hala’o komesa manas ona, tama ba iha minutu 24, Paulo Gali Freitas, susesu lori Lalenok United FC lidera 1-0 iha primeira parte iha jogu refere.

Estremu iskerda ho númeru kamizola 21 ne’e, marka golu liuhosi bola kantu no guarda rede Georgino da Silva, la konsege salva ho nune’e bola tama direta ba rede Boavista FC.

Tama ba iha minutu 43 Boavista FC, konsege hetan penalidade hafoin defeza husi Lalenok, Julião Mendonça, komete erru hasoru jogadór avansadu Danilson Araújo, no kapitaun Boavista FC, Natanael Reis, ne’ebé sai Esekútor ba penalidade refere sussesu fura rede Lalenok United FC ne’ebé hein hosi guarda rede Fazio Pereira, nune’e muda hikas score ba 1-1 to’o jogu primeira parte ramata.

Kontinua ba jogu segunda parte, ekipa rua mantein lansa kontra atake ba malu, no halo mudansa ba tátika liuhosi suptituisaun jogadór maibé la iha golu ruma mak akontese to’o jogu segunda parte ramata mantein ho score 1-1.

Hosi rezultadu jogu iha minutu normal nafatin score 1-1, obrigadu ekípa rua tenki hakat ba xuta penalidade. No iha penalidade ne’e Lalenok FC sorti bo’ot tanba hosi ninia jogadór na’in Lima ne’ebé xuta penalidade mezmu na’in rua falla xutu maibé na’in tolu seluk xuta ho susesu.

Enkuantu, Boavista FC hosi ninia jogadór na’in lima ne’ebé xuta penalidade na’in hat maka falla xutu no na’in ida de’it maka xuta ho susesu, nune’e rezultadu ikus hosi xuta penalidade vitória monu iha liman Lalenok United FC ho score 3-1.

Hosi rezultadu sai manan na’in iha jogu refere, Lalenok iha direitu tomak hakat ba finál hodi hein rezultadu hosi jogu entre DIT FC kontra AD SLB Laulara.

 

 

Jornalista : Rosa Fernandes

Editor        : Ezequias Tomás

1,119 Views
Artikel ini telah dibaca 11 kali

badge-check

Editor

Baca Lainnya

KRAM Entrega Motorizada 12 Ho Kompotador Unidade 10 Ba Subkram Munisipiu 12 Inklui RAEOA

18 May 2024 - 09:52

Horta Diálogu ho Líder Arte Marsiál no Arte Rituál Hametin Paz No Estabilidade

21 December 2023 - 09:57

Boxista Internasional Manny Pacquiao Sei Mai TL

26 September 2023 - 15:13

Fc. Vila-Vista Prontu Partisipa Iha Jogu Torneiu Kopa Naval 2023

24 September 2023 - 18:51

Abertura Liga Timorense Fc Portu Taibesi Vs Aitana Iha Divizaun Dahuluk Epóka 2023

18 February 2023 - 11:59

Silvestre Bandu Membru IKS Uza Atributu Uniforme iha Tempu Kampania

31 January 2023 - 06:46

Trending di DESPORTU