Lafaek News—Ministru Finansas imposadu, Rui Gomes, deklara nia parte sei esforsu atu bele garante estabilidade ekonomia iha Timor Leste.
Ministru Finanas (MF), Rui Gomes, foto google.
“Ha’u nia sentimentu kontente, maibé ha’u preukupa uituan ita sei hasoru dezafiu boot oinsá mak ita garantia estabilidade ekonomia sosiál país ida ne nian i oinsá maka ita bele garantia konserterza ita tenke hanoin kona-ba ita nia empreza,” dehan Ministru Finansas Rui Augusto Gomes, ba jornalista sira hafoin simu posse husi Prezidente Repúblika Francisco Guterres Lú Olo, iha palásiu prezidénsia Bairru-Pite, segunda (23/11/2020)
Nia afirma, ajente ekonomia sira ajuda sira-nia investimentu parte sosiál oinsá mak bele garante familia sira nia rendimentu labele monu no oinsá mak bele investe iha parte rigor ne’e.
“Atu nune’e ita labele ko’alia kona-ba prioridade finanseria tantu aspeitu ida ne’e mak ha’u sei foka ida ne’e mak ha’u nia kna’ar ha’u sei ba iha ne’eba sei halo reuniaun barak ho vise minista director sira depois ita haree husi ne’eba ” dehan nia
Nia hatutan nia esperansa iha ne’eba ema barak iha kapasidade, situasaun agora ne’e la’os situasaun hanesan ne’ebé uluk.
“Ita hare husi planu estratéjiku no planu oitavu governu ema la espera covid-19 tama iha ne’e entaun situasaun ne’e la hanesan ona ita tenke halo intervensaun ne’ebé mak pontual atu ajuda ekonomia ne’e tama fila-fali ba nia dalan,” Rui subliña.
Jornalista : Zeferino Barreto
Editora : Nelya Barros
