Lafaek News-Defisiénsia fíziku Ruben Guterres, ho idade 17, presiza urjente kadeira roda hodi fasilita nia tuur no la’o ba mai iha uma, familia laiha osan atu Sosa kadeira hodi tulun defisi énsia Ruben.
Ruben hela iha aldeia Baba-Liurai Leste, suku Bemori postu administrativu Nain-Feto, loron ba loron tuur de’it iha fatin, tanba laiha kadeira roda hodi fasilita nia movimentu ba mai iha uma no susar atu ba haris-fatin inklui la’o ba fatin dook
Joana do Rego, hanesan Inan husi defisiénsia Ruben Guterres, esplika, uluk nia (Ruben) moris ho kondisaun normal hafoin liu tiha fulan 5, nia hetan moras no afeta ba nia kondisaun fíziku sai tiha ema defisiénsia no susar ba nia atu la’o no tur de’it iha uma, nu’udar inan hanoin atu sosa kadeira roda ba nia, maibé osan maka laiha.
Ha’u nia oan Moris Mai ne’e kondisaun diak Hela maibe Liu tiha Fulan lima ne’e Nia sai tiha hanesan ne’e Nia moras ne’e kleur ona Han hemu mos Ami fo Han deit”, dehan Joana ba Lafaek News iha nia rezidénsia Bemori tersa feira foin lalais ne’e.
Joana hatutan Tan ,durante ne’e nia oan defisiensi Ruben hetan ona tratamentu iha sentru saúde iha Dili laran ne’e, maibé to’o agora seidauk hetan rezultadu ne’ebé di’ak hanesan ema normal, tan ne’e tenke iha duni kadeira ida atu fasilita netik nia tuur hodi bele book an ba mai.
Durante nee ami halo tratamentu ba Ruben nia saúde iha sentru saúde, Maibé nafatin la di’ak ho nune’e ami presiza tebes kadeira roda hodi fo ba niai tu’ur, bainhira maka ami la’o ba fatin dook ruma kuandu kadeira roda laiha nia tuur de’it iha kadeira too ami fila-fali mai, lori ba sentru saude entaun ami kaer nia liman de’it, Ami precisa imi Nia tulun hodi fo Kadeira Roda karik imi hakarak atu ajuda ba ami Nia oan,” Nia hakotu
Jornalista : Domingas Viana
Editor : Agapito de Deus
