Lafaek News—Relasiona ho rezolusaun do governu nu 15/2021, deside hodi aplika serka sanitária no konfinamentu obrigatóriu iha Munisípiu Dili, fó impaktu tebes ba negosiante ambulante sira iha Largo Lesidere rendimentu tun tanba laiha komprador.
Negosiante Lesidere, Joana dos Reis, hatete uluk bainhira seidauk aplika serka sanitária rendimentu kada loron $ 25 ba leten , maibé ho situasaun COVID-19, no aplika serka sanitária iha Dili, kada loron sira hetan 1.00, resin de’it hanesan ne’e, tanba polísia bandu hotu ema labele la’o
“Uluk kuandu seidauk Covid-19, ne’e ami kada loron ha’u hetan rendimentu $ 20-25, maibé agora semana ida ona ami araska tebes loron ida ami hetan dala ruma hetan de’it $1.00-1.50 lae la too, ami araska tebes tanba lori saida mak atu fo han ami nian oan sira iha uma entaun ami tenke faan sasan hanesan ne’e mak han,”dehan Joana do Reis, iha Largo Lesidere, 16/03/202).
Iha fatin hanesan negosiante, Helena da Costa, haktuir nia parte triste tebes ho situasaun COVID-19, liu-liu aplika serka sanitária iha Dili, tanba fo impaktu tebes ba sira nia rendimentu lor-loron.
“Ami agora araska loos tanba sasán ema la sosa,uluk polísia seidauk bandu ema ne’e ami nia sasán folin hanesan kada loron ami hetan to’o $20-25 dólar maibé agora dadauk ema sosa menus entaun dala ruma ami hetan de’it $5 dólar se lae hato’o,”dehan negosiante Helena,
tuir observasaun Lafaek news nota, situasaun Largo ema ladún iha movimentasaun hanesan bai-bain, so iha de’it negosiante ambulante sira ne’ebé fa’an sasán iha fatin refere.
Jornalista : Egidio Nono
Editora : Nelya Barros
