Naran : Asala Vicente
Hp/WA : +670-77254381
Hela fatin : Rai-Kotu
Vise Presidente Jurisdisaun : Organizasaun Registensia Sagrada Familia-ORSF
Email : asalavicente4@gmail.com
Facebook : Asala Vicente
Timor-Leste dadaun infrenta hela folin mina sa’e ( mina goreng/sona) povu, sidadaun tomak preokupa loja no kioske balun hahu manipula folin, estudante i povu babain difikulta tebes sira nia nesisidade lor-loron.
Ekonomia no demandas merkadu internasional ba produtu lokal, demandas merkadu internasional sae makas liu-liu ba produtu agricola sira hanesan, Kafe, Abakate, Kami, Nu’u Hudi, Maek, no Budu Tasi.
Produtu hirak tenik iha leten ho folin asessivel no satisfatoriu ba produtor, infelizmente Timor-Leste nia kuantidade produsaun ba variedade produtu hirak ne’e sei menus tebes no labele grantia esportasaun sustentavel tuir nesidade demandas merkadu nia iha.
Esportasaun sustentavel tuir nesesidade demandas merkadu nia, tamba ne’e alerta Timor oan agricultor sira atu iha vontade no esperitu badinas nian hodi kuda variedade sira mensiona iha leten, ita hahu diversifika setor produtivu sira hahu agora hodi grante independensia ekonomika kore-an hosi dependensia ba mina no gas.
Alem de ida ne’e empreza internasional barak hakark/buka atu investe hodi sosa produtu sira ne’e tantu halo esportasaun ba nasaun seluk, nune’e mos hari fabrika iha ita nia rain, maibe sira ne’e hotu defende liu ba kuantidade produsaun agricola nivel nasional.
Timor-Leste nia areia potensia barak abandona dadaun neé, tamba deit hotu-hotu defende makas liu ba subsidiu estadu hosi fontes mina rai, ne’ebe la duru no laiha sustentablidae, em vez de kuda variedade produtu sira haktuir iha leten.
Mina no gas sei bele maran iha tempu seguinte, produsaun agricola kontinua buras sai nudar forsa alternativa hodi subtitui mina no gas ita hahu agora nuneé bele hamnasa iha loron tuir mai, duke ignora mak ita rasik sei arepende tempu tuir mai.
Ho hanoin hirak tenik iha husu estadu no governo liu-liu Ministerio relevante hanesan, Ministerio Agricultura e Pescas, Ministerio Turimo Comersiu Indiustria tenke buka solusaun ba ida ne’e, Ministerio rua tenke servisu hamutuk apoiu ba Grupo coperativa agricultor sira hodi bele produs mina lokal sira/mina Nu’u i ita no hasae ita produsaun rasik hodi reduz defendensia ba rai liur.
Ministerio Agricultura e Pescas buka apoiu makina ida ne’ebe ho modernu i avansadu para hodi halo prosesamrentu ba mina nu’u iha ita rain rasik hodi konsumu no produtu sira ne’ebe tenik iha leten ita nbele produs rasik iha ita nia rai, prepara tekniku sira hodi eleva i formasaun ba agricultor sira oinsa prosesamentu mina nu’u ida ho modernu no igene.
Ministerio Turimo Comersiu Indiustria tulun no apoiu ita nia idustria kik/Grupo keprativa sira sira liu hosi apoiu material, formasaun i kria legislasaun hodi regulariza standarisaun sasan nia folin iha nia rai.
Alende ida neé husu AIFAESA kontrola efektivu liu tan sasan nia folin no prazu sasan sira nia iha kioke no loja sira hahu manipula i mos kontrola ate munisipiu sira.
