Lafaek News–Xefe Estadu Maior Jenerál Forsas Armadas, Majór Jenerál, Falur Rate Laek, hateten fardamentu ba membru Forsas Falintil Defeza Timor Leste (F-FDTL), foun seidauk prontu, tanba ne’e seidauk alterasaun ba loron fixu taka sai naran.
Falur Rate laek hatoo asuntu ne’e, hafoin remata enkontru ho Prezidente Repúblika, Francisco Guterres Lú Olo, iha palasiu Prezidensiál Nicolau Lobato, Kuarta semana ne’e hodi hato’o asuntu kona-ba Loron Falintil nia ne’ebé monu iha loron 20 Agusto nia ba dala 46.
“Fardamentu da-daun ne’e ba membru teste F-FDTL foun sira seidauk prontu, seidauk prontu ne’e mak rekrutamentu ohin alterasaun iha data fixu ne’e,” Deklara Xefe Estadu Maior Jenerál Forsas Armadas, Major Jenerál Falur Rate Laek iha palasiu prezidensial Nicolau Lobato, Kuarta 04/08/2021.
Maibé antes ne’e Xefe estadu Major Jeneral Falintil Forsa Defeza Timor Leste ( F-FDTL) Tenente Jenerál Lere Anan Timur, deklara teste ba Membru FFDTL foun sira sei taka sai iha fulan Agusto ne’e.
Jenerál fitun tolu ne’e akresenta, prosesu membru FFDTL foun sira ne’e da-daun ne’e la’o hela, hein de’it la’o da-daun hela, lolos ne’e loron fo sai rezultadu, tanba situasaun COVID-19 balun tama Karantina, apoiu lojístiku sira ne’ebé depende ba uniforme fardamentu sira mai husi rai liur ninia ezekusaun ne’e sei iha fleksibilidade.
Iha sorumutu ne’e Xefe Estadu Maior Jenerál Forsas Armadas, Major Jenerál Domingos Raul (Falur Rate laek) no xefe estadu maior forsas, Armadas Brigadeiro jenerál, Calisto Santos Coli (Coliati) hasoru malu ho Prezidente Repúblika Francisco Guterres Lú Olo relasiona ho loron Falintil nia ne’ebé sei monu iha loron 20 Agustu ba dala 46.
Jornalista : Rita Moniz
Editór : Agapito de Deus
