Lafaek News—Prezidente Parlamentu Nasionál, Maria Fernanda Lay husu ba públiku, liu-liu sosiedade sivil, atu labele krítika de’it Parlamentu Nasionál kona-bá regalias sira ne’ebé deputadu sira hetan, maibé nia husu atu haree mós ba parte governu.
“Maibé fiar katak, sosiedade sivil mós avalia Estadu tomak uza fasilidade Estadu nian, la’os deit Parlamentu Nasional,” hateten, PPN Maria Fernanda Lay, hafoin ekontru ho PR José Ramos-Horta, iha Palásiu Prezidensiál Bairo-Pité Díli. 23-11-2023
Líder órgaun lejislativa ne’e fundamenta, subsídiu hanesan opsaun ida, tanba hakarak ka lakohi iha estatutu deputadu, deputadu sira tenke iha transporte hodi hala’o fiskalizasaun iha terrenu,
“Tanba dehan atu tau osan sosa karreta labele, tau subsídiu transporte labele, agora mekanizmu ne’e la’o halo nusa? nia estatutu iha hela prosesu alterasaun, ami espera katak, prosesu alterasaun ne’e bele hetan formulasaun ida ke klaru para bele fó meius ba deputadu sira hala’o servisu” katak Fernanda Lay.
nia dehan, kona-bá regalias sira ne’ebé deputadu sira hetan kada fulan, Deputadu Bankada CNRT ne’e konfirma “regalias ne’e konsta iha lei, tanba lei ne’e tau tiha hotu” klarifika Fernanda Lay.
Deputada ne’e hateten, dala barak bele krítika, mais krítika proporsional, problema foos la’os dehan labele fó transporte. Karreta Prado ne’ebé agora deputadu sira uza ne’e, mais de tinan 12, balun situasaun la diak ona.
“Hau la kohi ariska deputadu sira nia seguransa, bainhira sa’e ba foho leten fiskaliza ahi, Uma Naroman ba Povu no atividade sira seluk, Kondisaun karreta Pajero Sport ne’e, barak mak hetan tiha dezastre, no labele rekupera ho orsamentu para manutensaun, tan ne’e hakarak ka lakohi tenke troka. Hakotu nia
Estajiada : Epifania I. Pinto
Editor : Agapito de Deus
