Lafaek News—Professores kontratadus, kinta (23/11/2023), hasoru Malu ho komisaun G Parlamentu Nasional ne’ebé trata asuntu edukasaun, juventude, kultura no sidadania iha reklama sira (professores) nia direitu durante tinan ida.
Prezidente Komisaun G iha Parlamentu Nasional Deputadu Armando dos Santos Lopes, esplika professores sira mai halo audénsia ho Komisaun G relasiona ho sira nia kontratu ida ne’ebé kontratu ba tinan ida, no audénsia ne’e hodi esplika ba sira kona-ba prosedimentu ne’ebé ba professores.
Prezidente komisaun G ne’e realisa, kona-ba profesores hirak ne’e direitu, iha buat tolu ne’ebé sira hatoo ba komisaun G, sira halo dever durante tinan 1, sira mos simu ona sira nia direitu, maibé próximu ne’ebé mai dehan katak sei hapara sira.
“Ne’e maka ohin Ami kolia. Hanesan representante dos professores aMI sei hatoo ida ne’e ba ministériu ne’ebé tutela, hanesan ezekutados ba programa ida ne’e, ne’ebé iha relasaun ba problema edukasaun no direitu professor sira nian,” katak deputadu Armando dos Santos Lopes ba jornalista sira iha komisaun G kinta semana ne’e.
Professores sira ne’ebé ba hatoo ezijénsia ba komisaun G ne’e hamutuk 1446, no husi parte relevante hasai ona nain 30 resin ne’ebé la priense rekezitus hanesan balun seidauk sidadaun no balun dokumentus la kompletu, iha tempu badak komisaun G sei hala’o audénsia ho Ministru Edukasaun hodi hatoo problema hirak ne’e buka solusaun.0
Iha fatin hanesan Konselleru Professores Kontratadus, Agustinho Soares informa professores sira mai hato’o preokupasaun ba Komisaun G espesifikamente professores kontratadus tinan 2023, ne’ebé da-daun ne’e sira nia problema konsideradu insolusivel entre professores hirak ne’e ho Ministériu Edukasaun.
Problema husi profesores hirak ne’e maka diferensa interpretasaun a implementação do decreto lei 31, 2023 de 31 de Maio, katak dekretu lei ida ne’e mo-mos no sira vinkuládu, katak sira mos hola parte iha interese espesial, iha parte Ministério Edukasaun sira eskluídu.
“Iha diferensa interpretasaun ida ne’e mak Ami Mai aprezenta ba Komisaun G katak Ita presija iha seriedade hamutuk hodi bele solusiona problema hirak ne’e,” konselleru professores ne’e hakotu.
Estajiadu : Andre da Costa
Editor : Agapito de Deus
