Lafaek News–Xefe Investigadór Polísia Siéntífiku Investigasaun Kriminál (PSIK), Octavio da Costa Araújo informa, PSIK kaptura ona autór inisial MJ ne’ebé horisehik 08/05/2022, soe bebe mane ida iha Farol Dili.
Horisehik dentru de oras lima nia laran iha oras tuku 03:30 ita identifika kedas autór ne’ebé soe bebe iha Farol, ho inisiál MJ idade 19 husi munisípiu Bobonaro foin mai hela iha Dili fulan rua” dehan Xefe Investigador PSIK, Octavio ba Jornalista liu husi Konferénsia imprensa iha Kaicoli, segunda 09/05/2022.
Xefe Investigador PSIK Octavio Afirma, Dadaun ne’e bebe nia inan ho inisiál MJ Ekipa PSIK transporta ona ba Hospital Nasionál Guidu Valadares (HNGV), Tanba kondisaun saúde la permite tanba foin partu remata.
Ita nia Ekipa transporta kedas autora refere ba HNGV hodi halo tratamentu saúde Depois bebe nian inan halo tratamentu saúde mak foin prosesu tuir Justice” haktuir nia.
Entretantu, Kazu ne’e akontese iha Domingo 08/05/2022, Bainhira PSIK simu informasaun husi komunidade katak, ema soe bebe iha Faról, nune’e ekipa destaka kedas hodi foti teste, ikus mai identifika autór bebe nia inan, maibe, Kona-ba razaun saida mak soe bebe parte PSIK labele publika sai tanba ne’e segredu Justisa.
Jornalista : Orlando Magno
Editor : Agapito de Deus
