Lafaek News (Bobonaru)-Vise Ministru Interior (VMI), kontinua halo sosializasaun ba komunidade suku Lebos ho suku Zildapik postu administrativu Lolotoe munisipiu Bobonaru oinsá Proteze fronteira entre Timor-Leste ho Indonesia hodi antesipa variante delta ho covid-19.
“Iha ita nia rai númeru afetadu moras COVID-19 sa’e makas, entaun, ha’u mai atu informa ba imi ne’ebé hela besik fronteira atu servisu hamutuk ho seguransa hodi haree hamutuk ema ne’eebé gosta tama sai fronteira liu husi dalan ilegal,” Antonio Armindo hatoo asuntu hafoin vizita suku Lebos no suku Zilapil postu Lolotoe, munisípiu Bobonaru, Kuarta (04/08/2021).
Governante ne’e hatoo agradesimentu ba aldeia Zildapil suku Lebos, tanba seidauk iha ema ida mak afeita moras COVID-19 ho variante Delta, husu ba komunidade sira bainhira hetan ema oin foun tenke hatoo kedas ba autoridade seguransa iha froneira.
“Hau husu ba imi atu servisu hamutuk ho parte seguransa nian hodi asegura ita nia fronteria bainhira haree imi haree ema oin foun iha aldeia ka suku laran kontaktu kedas ba autidade seguransa nunee ita bele prosesa ema nee,” nia salienta.
Iha fatin hanesan Xefe suku Zildapil Emilio Noronha informa, durante nee sira la iha ko4denasaun diak ho autoridade seguransa tanba nee nia parte sente orgullu tebes ho Vise ministru Interior nian prezensa iha sira nia suku.
“Pesoal hau sente orgullu tebes ba Vise ministru Interior nia prezensa tanba halo ona kampanha sosializasaun ba ami komunidade sira konaba oinsa atu servisu hamutuk ho parte seguransa atu evita ema tama sai ilegal iha fronteira,” Nia deklara.
Hafoin remata halo sosializasaun iha suku Zildapil Vise Ministru interior Antonio Armindo halo vizita ba postu Unidade Patrollamentu Fronteira alto Lebos hodi haree kondisaun no situasaun iha postu nee.
Entretantu tuir observasaun jornalista Lafaek News nia iha terenu katak, iha sosializasaun nee, partisipa máximu husi komunidade suku Lebos ho Zildapil ferik katuas inklui juventude sira.
Jornalista : Orlando Magno
Editór : Agapito de Deus
