Lafaek News—Segunda 29/09/2025, professores hamutuk 178 simu posse ona Ministériu Edukasaun INFORDEPE hodi koloka ba hanorin iha eskola munisipiu 12 inklui RAEOA.
Iha serimonia ofisial ne’e, Sekretáriu Estadu do Ensino Sekundariu no eskola tekniku Vocasional, Domingo Lopes Lemos husu ba profesores sira atu la’o tuir kna’ar ne’ebe sira simu ona
“Ohin termu ba posse profesores foun hamutuk 178 ne’e mak ohin simu posse ona halo ona juramentu katak simu ona kna’ar ne’ebe Ministériu Edukasaun fornese ba sira, nudar funsionáriu públiku kolokasaun profesores sira ba Munisipiu tuir kuadru pesoal ne’ebe iha, husu ba hotu-hotu halo tuir ba kna’ar ne’ebe iha tanba funsionáriu públiku sei koloka ba fatin ne’ebe presija professor,” Sekretario Estado STV, Domingos Lopes Lemos ba Jornalista iha salaun Infordepe Matadoru Dili, segunda (29/09/25).
Nia parte rekomenda ba professores sira atu fo lisaun diak ba finalista sira nune’e sira bele ultrapasa ho valor ne’ebe qualifikadu iha ezame nasional anu letivo 2025-2026.m
“Dia 20 agora estudante sira ezame nacional ho prezensa profesores sira ne’ebe dadaun iha ne’e karik sira ba ensinu báziku apoiu tan 3 siclo liliu ba IX ano ba ezame nasional ba ida ne’e ne’ebe ministériu edukasaun nia mensajen ba profesores sira mak tenki fo lisaun extra ba estudante sira liliu sira finalista atu sira bele pasa iha ezame ho valor ne’ebe diak,” Domingos rekomenda.
Simão da Costa Xavier husi munisípiu Manufahi, hateten hanesan profesores kandidatura ho kna’ar ne’ebe simu la’os hetan husi rekomendasaun, maibé husi preparasaun ne’ebe nia halao durante teste tanba ne’e ho vokasaun ida ne’e nia parte prontu atu habelar no tulun estudante sira liu husi prosesu aprendisajen.
“Simu vokasaun foun ida hanesan Professor no vokasaun ne’ebe ami hetan bele habelar fali ba ami nia alin estudante sira kada munisipiu, tamba estudante mak prepara futuru ba nasaun, Karik estudante atu hetan konesimentu ne’ebe diak Professor mos tenki iha konesimentu di’ak no preparadu materia ho temátiku ne’ebe diak, ha’u Kolokadu iha Manufahi posto administrativu Same, ha’u hanorin iha ensiniu 3 siklu Ailuli, iha ne’eba ami tuir ami nia kna’ar ne’ebe ami hetan ami hanorin husi 1 siklu no 2 siklu no ami tama hanorin kada materia Ida ho oras 50 minutus kada semaman ida hetan oras 24,” Simão
Profesores ne’ebé simu posse kadidatura hamutu 178 husi munisipio sanulu resin tolu mak hanesan Aileu 6 Ainaro 10 Baucau 13, Bobonaro 15 Covalima 23 Dili 23,maibé nain 2 la marka prejensa Ermera 16, Lautem 16, Liquica 14, Mantuto 5 Manufahi 11, Oecusse 5 no Viqueque 19.
Jornalista : Maria José de Jesus
