LafaekNews–Entre loron kinta 06/01/2022 ho loron sesta 07/01/2022, Prezidente Repúblika sei rona partidu polítiku sira ne’ebé asentu iha Parlamentu Nasionál atu hatene sira-nia hanoin kona-ba data eleisaun prezidensiál ne’ebé sei akontese, pelu menus, loron neen nulu, molok Prezidente atuál ramata ninia mandatu.
Iha 6-7 janeiru 2022, Prezidente Repúblika sei rona partidu polítiku sira ho asentu iha Parlamentu Nasionál atu hatene sira-nia hanoin kona-ba data eleisaun prezidensiál ne’ebé sei akontese, pelu menus, loron neen nulu, molok Prezidente atuál ramata ninia mandatu iha 20 maiu 2022″, dehan Prezidente Repúblika Francisco Guterres Lu_olo liu husi komunikandu imprensa media PR kuarta 05/01/2022.
Xefe estadu ne’e afirma, tuir l 12 husi lei númeru 7/2006, 28 dezembru, ho alterasoins susesivas ba Lei ne’e, PR tenke rona uluk governu no partidus polítikus ho asentu iha Parlamentu Nasionál, molok dekreta data eleisaun ba Prezidente Repúblika.
Tuir ajenda, iha loron 6 janeiru, PR sei hala’o enkontru ho Partido Democrático (PD), Partido da Libertação Popular (PLP), Frente Mudança (FM), Frente Revolucionária de Timor-Leste Independente (FRETILIN). Iha loron tuir kedas, 7 janeiru, sei hala’o reuniaun ho Partidu Unidade Dezenvolvimentu Demokrátiku (PUDD), Congresso Nacional para a Reconstrução de Timor-Leste (CNRT), Kmanek Haburas Unidade Nasional Timoroan (KHUNTO) no União Democrática Timorense (UDT)”,hatete Lu-olo.
Tuir Xefi estadu, halo enkontru ho líderes partidus polítikus sira-nian, PR rona tiha ona governu, liuhusi Primeiru-Ministru, Taur Matan Ruak, no Ministru Administrasaun Estatal Miguel Carvalho, PR rona mós Comissão Nacional de Eleições (CNE) sigla portugues, no Secretariado Técnico de Administração Eleitoral (STAE) kona-ba preparativus ba eleisaun prezidensiál 2022.
Jornalista : Rita Moniz
Editor : Agapito de Deus
