Lafaek News—Prezidente Repúblika Francisco Guterres Lú Olo, hatoo apresiasaun ba Luciano dos Santos husi Universidade Nasionál Timor Loro Sa’e (UNTL),ne’ebé uza nia matenek hodi transforma tasi-ben nakfilak ba be mós iha postua administrativu Maubara munisípiu Likisá.
Prezidete Repúblika Francisco Guterres Lú Olo, hatoo apresiasaun ba Luciano dos Santos hafoin hatoo nia diskursu iha selebrasaun 12 de Novembru masakre Santa Krús, kinta (12/11/2020), hodi dehan Fulan hirak liubá, mídia nasional balun aprezenta ba públiku joven Luciano dos Santos, ho tinan 26, finalista departamentu Kímika, Universidade Nasional Timor Lorosa’e (UNTL) nian, ne’ebé husi ninia peskiza akadémika, transforma tasi-been sai bee-moos.
“Prezidente da Repúblika louva no apresia sira-nia kapasidade no vizaun empreendedora nu’udar exemplu diak ida ba juventude tomak. Sira-nia moris inspira konfiansa no esperansa ba Timor-Leste,” PR Lú Olo hatoo ilu husi nia diskursu iha santa krús hafoin selebra loron msakre santa kruz 1991, iha santa Krús, kinta (12/11/2020).
Luciano nia mehi ida ne’e hahú iha UNTL no nia lori filafali ba nia aldeia Raimé, suku Vatuvou, postu administrativu Maubara, Luciano lori tinan 3, hahú husi tinan-2017 to’o tinan-2019 atu konsege realiza duni ninia mehi, liu husi determinasaun no servisu maka’as hamutuk ho ninia kolega lubuk oan ida.
Iha tinan-2018, Luciano ho ninia maluk joven sira seluk, Olívio no Clotilde Nunes, harii grupu kooperativa ida hanaran Nurak Sulin Hamutuk, ne’ebé kompostu husi ema nain 8, atu hala’o servisu ida ne’e, entre sira nain 8 ne’e, Luciano ho nia kolega ida de’it mak estuda iha universidade, Iha tinan-2019 mak sira konsege transforma tasi-been sai bee-moos, Luciano ho nia kolega sira konsege realiza ida ne’e ho sira-nia esforsu no rekursu rasik, la hetan tulun husi estadu ka entidade privadu ruma.
Iha tinan-2020, kooperativa ida ne’e nia membru sai ema nain 25, sira transforma tasi-been sai bee-hemu, Ohin loron, sira fornese bee sira ne’e ba kios no loja sira iha Postu Liquiçá no Postu Maubara.
Jornalista : Acacio Pinto
editora : Nelya Barros
