Lafaek News—Polisia Nasional Timor Leste (PNTL) prende espanduk ida husi grupu joven balun ne’ebé hakerek lia-fuan krítika hasoru Prezidente Repúblika Francisco Guterres Lú Olo katak durante tinan tolu la halo buat ida.
Lafaek news tenta konfirma, Aderito Barros Barreto ne’ebé lori spanduk hakerek krítika prezidente repúblika, esplika katak spanduk ne’ebe sira lori n’ee la’os krítika prezidente, maibé hanesan aspirasaun atu husu ba prezidente respúblika, tanba ukun tinan tolu liu ona maibé povu terus nafatin.
“Ami joven hirak Lao hamutuk ne’e Spanduk ida de’it mk Polísia sitaIha espanduk ne’e ami hato’o aspirasaun de’it atu husu ba prezidente republika, tanba ukun tinan tolu ona povu terus nafatin no parlamentu mos sobu meja hela de’it ami sente ida ne’e fo influénsia ba povu dehan, Adérito ne’ebe kaer espanduk bainhira polísia sira simu husi nia liman ba iha santa kruz, ba lafaek news iha Santa Kruz, kinta (12/11/2020).
Tuir observasaun lafaek news iha terenu nota iha espanduk ne’ebé hakerek ” Nai Prezidente Repúblika povu terus tinan tolu resin ona, Parlamentu Nasionál sobu malu, Governu Tongka Malu, habadak povu nia terus, keta haluha ita nia juramentu art…KRDTl ”
Entretantu espanduk ne’e lori husi joven balun hodi partisipa marsa komemorasaun loron masakre Santu Kruz hafoin halo marsa too iha kintal boot ohin PNTL halo kedan intervensaun hodi sita espanduk hakerek krítika xefe estadu ne’e nia koordenador hodi presta deklarasaun.
Jornalista : Acacio Pinto
Editora : Nelya Barros
