Lafaek News—Prezidente Repúblika José Ramos-Horta informa, Timor Leste laiha krime organizadu tanba Prezidente Repúblika Horta koñese klean krime Organizadu no iha vida esperensia durante tinan 40, observa no estuda.
“Ha’u hatete dala barak ona, Timor Leste sorti krimi organizadu definisaun, ha’u hatene, laiha krime organizadu, se mak hatete krime organizadu iha Timor Leste iha entaun la koñese, tanba krime organizadu ne’e ha’u koñese di’ak, klean loos tanba vida esperensia tinan 40, observa, estuda, ko’alia, rona iha mundu ne’e ha’u hatene sorti Timor Leste laiha,”informa Xefe Estadu liu husi Konferénsia Internaasionál kona-ba rekoopersaun Ativu no Instrumentu efektivitas Knate Korupsaun iha Suai Room Timor Plaza, Segunda (21/11/2022).
PR Horta afirma, Mesmu rai balun hanesan iha Europa rai sofistikadu tebes-tebes, sira rasik araska kontra krime organizadu tanba krime organizadu ne’e poderozu iha rai Europa ne’eba la halimar, Amérika latin, Afrika mos ladun problema mak hanesan Timor Leste no seluk tan, sai vítima krime organizadu husi liur.
“Hanesan Timor Leste labele monu, no vítima, krime organizadu mós iha rai viziñu sira iha ASEAN, sira ne’ebé laiha elementu iha ne’e, dalaruma partisipa krime organizadu tantu komunidade internasionál ejize Timor Leste nu’udar estadu membru internasionál tenke Kombate krime organizadu ne’ebé akontese iha Timor Leste, la’os elementu Timorese mak organiza-an maibé elementu balun partisipa iha krime organizadu,”Informa Xefe Estadu José Ramos Horta.
Nia dehan, ko’alia kona-ba trafiku humanu iha parte barak, balun elementu iha Timor sira nia elementu iha rai seluk seluk iha ASEAN e elementu balun iha Europa ne’eba.
“Ha’u hatete krime organizadu iha Timor Leste laiha, la signifika ita deskansa tiha lae, ita tenke evita Timor Leste sai fali fatin ida fasil ba Krime organizadu halo trafiku humanu, Droga money Laundry buat sira ne’e Timor Leste nu’udar konsumidor droga laiha hanesan Afrika mos ha’u koñese krime organizadu iha ne’eba, ne’eduni Timor Leste mos tenke kuidadu prevensaun atu nune’e labele aumenta,” informa PR Horta.
Xefe Estadu Horta afirma tan, prosesu ne’e foin mak hahu ho semináriu ida ne’e, partisipantes sira barak mak fo sira nia kontribuisaun, oinsa Timor haree ba kombate krime organizadu, Molok ne’e Ministru no Ministru Interior, Taur Matan Ruak, konsidera Polisia Sientifiku Investigasaun Kriminal (PCIC, sigla portuges) iha papel importante atu kombate krime organizadu iha nivel Nasionál no internasionál.
“Governu sei apoia PCIC atu luta kontra kriminalidade sira ho forma foun neebe ezije kooperasaun, unidade asaun no kompromisu ba ema hotu nia di’ak”.
Jornalista : Rita Moniz
Editór : Agapito de Deus
