Lafaek News (Letefoho)- Prezidénsia Repúblika apoiu sumentu saka-40 no mangeira hodi halo kruz boot iha kapela Assi aldeia Assi, Suku Haupu Postu Administrativu Letefoho Munisípiu Ermera. Kapela refere pertense ba iha komunidade aldeia Assi, Hatuhou no Manukati-leten.
“Maun-alin sira, buat kiikoan liu hanesan liman-kukun deit mak oferese mai iha ne’e (sarani kapela Assi) sumenti uitoan no mangeira tulun ita-boot sira, ita-boot sira mak tenke hakaas-an liu. Ami fó apoiu uitoan para ita-boot sira serbisu maka’as liután.” Dehan xefe Casa Sivil Francisco Maria de Vasconcelos iha suku Haupu, Letefoho, Ermera ne’ebe lafaek News asesu husi Media Oficer Palacio Prezidente Republika liu husi Komunikaadu imprensa iha loron 3/7/ 2021
Xefe Casa Sivil, Francisco Maria de Vasconcelos Prezidente Repúblika hatete Lú Olo nia komprimisu katak “Prezidente ba Povu Tomak” tanba ne’e uitoan ka barak xefe estadu tau matan ba povu, tanba kada loron iha semana-semana, xefe estado koalia ho governu mak Primeiru Ministru hodi haree povu nia dezenvolvementu.
Antes entrega material, Xefe Casa Sivil tatoli uluk mensajen, Prezidente Repúblika Francisco Guterres Lú Olo nian hodi hatutan ba komunidade sira katak, Prezidente Repúblika nia domin no hakoak-boot ba komunidade sira hotu
Tanba ne’e, ba inan-aman sira, liuliu agrikultór, hotu-hotu esforsu hodi hadi’a estadu liu husi kontribuisaun ida-idak hadi’ak uluk nia rain. maibé tenke hamutuk hadi’a rai Timor-Leste hahú husi hadi’a uluk ita nia-an.
Xefe Casa Sivil agradese ba resesaun husi komunidade, tanba nakonu ho domin maski iha sofremente oin-oin, maibé ida ne’e mak hatudu timoroan nia sentimentu ba malu ho dignidade.
Komunidade agradese ba vizita no apoiu uitoan ne’ebé mak oferese ona ba sira. Iha oportunidade ne’e sira hato’o mos kondisaun ne’ebé sira hasoru durante ukun-an. Hanesan estrada, eletrisidade, bee mos ne’ebé mak too ohin loron komunidade aldeia Assi, Hatuhou no Manukati-leten hasoru.
Hosi tempu luta ba ukun rasik-an fatin hirak ne’e, nuudar baze hodi hahú rezisténsia hasoru okupasaun ilegais, maibé sofrementu ne’e, kontinua hasoru too ohin loron.
Komunidade sıra agradese tebes, durante ukun seidauk iha ukun na’in ida mak vizita, maibé iha tinan 2021, nu’udar tempu osan-mean ba sira, hodi simu Xefe Casa Sivil Prezidénsia Repúblika no Ministru Administrasaun Estatal.
Ho konsientemente Ministru Administrasaun Estatal Miguel de Carvalho, reafirma katak sofrementu ne’ebé mak iha, kuaze iha hanesan iha teritoriu Timor-Leste.
Maske VIII governu iha planu ne’ebé diak maibé iha impedementu oin-oin ne’ebé Timor-Leste hasoru hanesan pandemia mundiál Covid-19 ne’ebé sei kontinua sai ameasa boot, no dezastre naturais ne’ebé estraga dezenvolvementu barak.
maibé ministru ne’e justifika katak, VIII governu sei esforsu hodi hadi’ak nafatin povu nia sofrementu ba estrada, eletrisidade, bee-mos. Tanba area hirak ne’e, nuudar baze hodi fasilita hadi’ak komunidade nia moris iha area sosiál no ekonomia.
Serimónia entrega ekipamentu dirijé husi Xefe Casa sivil Prezidénsia Repúblika Francisco Maria de Vasconcelos no akompanha husi Ministru Administrasaun Estatal Miguel do Carvalho no autoridade Ermera.
Komunikadu Imprensa
Editór : Acacio Pinto
