Lafaek News—Prezidente Parlamentu Nasionál (PPN), Aniceto Longuinhos Guterres Lopes, hatete objetivu husi vasina dozes ba period daruak nian sei livre hosi EE no Serka Sanitaria iha rai laran no rai liur hosi pandamia Covid-19.
“Ita vasina hotu ona hanesan Governu deklara tia ona ne’e bele sekular livre kuandu Segundu depois 14 Segunda doze ona bele serkula livre iha Serka sanitaria no estadu emerjensia iha rai laran ate ba rai liur,” Aniceto Guterres afirma asuntu ne’e iha parlamentu Nasionál, Sesta (18/06/2021).
Lider orgaun lezislativa ne’e povo hotu atu simu vasina ba Segundu doze atu nune’e bele livre hosi EE no Serka Sanitaria atu hakotu moras pandamia- Covid-19 iha rai-laran nune’e bele fila-fali ba situasaun normal.
“Kuandu Segundu doze hetan ona vasina entaun ida ne’e hanesan dalan Ida Ita bele neneik itua ita fila fali ba situasaun normal livre sirkulasaun,”PPN esplika.
Liga ho asuntu ne’e, antes ne’e primeiru ministru rasik mós esklarese sidadaun sira ne’ebé simu ona vasina ba dala rua sei la’o livre hanesan situasaun norma, maibé deklarasaun seluk husi Ministra Saúde Odete Freitas Belo, afirma nune’e ema ne’ebé simu vasina dala rua seidauk garante livre husi pandemia covid-19.
Entretantu, dadus konfirma covid-19 ohin loron iha Timor Leste, konfirmadu 8,504, ativu 1,185, rekuperadu 7,300 no mate hamutuk ema 19.
Jornalista : Joni Mau Risa
Editór :Agapito de Deus
