Lafaek New—Polísia Nasionál Timor Leste (PNTL), munisípipu Dili no Likisá la autoriza karreta saneamentu munisípiu Dili ne’ebé tula lixu iha sidade laran so’e iha Tibar ho razaun Lockdown
karreta saneamentu munisipiu Dili lansa parajen provizoriu iha Tasi-Tolu, imajen Acacio Pinto.
“Ami ohin dadeer tula lixu ba soe iha Tibar Polísia autoriza ami ba so’e dala ida ami ba fali la fo ona ami ohin tula ret-1 ida ona, maibé Polísia la autoriza,” observadór Saneamentu munisípiu Dili, Manuel Coreira ba lafaek news iha Tasi-Tolu, tersa (09/03/21).
Manuel akresenta, tuir lo-loos loron ida transporta lixu ba Tibar dala tolu, ohin loron foin tula dala ida de’it nune’e atu tula ba daruak nian autoridade seguransa bandu ona ho razaun Dili iha situasaun lockdown.
Iha fatin hanesan, Xefe Departamentu Saneamentu Dili Domingo Soriano, relata katak kona-ba kestaun PNTL la autoriza karreta lori lixu a soe iha Tibar ne’e, nia parte relata kedan ba autoridade munisípiu Dili, maibé too agora seidauk responde.
Lixu ne’ebe naklekar iha lixu fatin Tasi-Tolu, imajen : Acacio Pinto.
“Kestaun ne’e ha’u informa ona ba autoridade munisípio Dili, maibé seidauk iha desizaun, tanba ne’e ha’u haruka kondutor karreta sanamentu sira fila ba uma hodi hein desizaun final husi governu Sentrál,” afirma xefe departamentu saneamentu munisípiu Dili ne’e.
Entretantu, karreta total hamutuk 42 mak loron ida tula lixu dala tolu husi Dili ba so’e iha Tibar obsevasaun karreta sanementu fila hotu para iha Tasi-Tolu hodi hein rezultadu husi governu sentrál.
Jornalista : Acacio Pinto
Editora : Nelya Barros
