Lafaek News–Komandante Jerál Polísia Nasionál Timor-Leste ( PNTL), komisáriu Faustino da Costa deklara, PNTL rejista kazu krime eleitoral 5 durante kampaña segunda volta Elpres inklui kazu 2 iha eleisaun ronde daruak.
Komandante Jerál Polísia Nasionál Timor-Leste (PNTL) Comissário Faustino da Costa deklara asuntu ne’e hafoin remata enkontru semanal ho atùal Presidente Repúblika Francisco Guterres Lú Olo iha Palasíu Prezidensiál Bairo-pite kinta, (22/04/2022).
Krime eleitóral ha’u bele dehan katak too ohin loron ita separa buat rua ida tempu kampaña, e depois de vota, durante kampaña kordena hela ho parte CNE nian mos, kazu ne’ebé mak PNTL iha mak kazu 5, ne’e la inklui depois de elisaun”, dehan Komandante Jéral PNTL komisáriu Faustino da Costa.
Iha eleisaun ne’e iha maibé total hira mak seida’uk hatene,maibé atu dehan de’it katak kazu boot rua iha munisípiu Viqueque nian kazu ne’e PNTL nia kareta mak rahun, iha Oe-cusse iha uma ida mak hetan sunu.
Iha okasiaun ne’e komissáriu Faustino deklara ba sidadaun hotu povo tomak akompana rezultadu loron 19 keta haluha Timor-Leste estadu direitu demokrátiku ema hotu hotu iha direitu ezerse direitu, kumpre saida mak desizaun povo tomak, husu joven hotu hakmatek hodi simu rezultadu presidente povu tomak.
Iha biban ida ne’e komandu mos hatoo apresisaun parabéns ba José Ramos Horta ne’ebé eleitu ba presidente Repúblika períodu 2022-2027,’’ Faustino hakotu.
Jornalista : Rita Moniz
Editor : Agapito de Deus
