Lafaek News—Governu konstituisionál lideradu Primeiru Ministru (PM) Taur Matan Ruak, realiza retiru hamutuk ho membru governu sira hodi orienta implementa ezekusaun programa inklui ba rekuperasaun ekonómiku.
“Retiru dahuluk ida ne’e, objetivu atu orienta di’ak liu tan membru governu sira hotu no ministeriu sira hotu, atu bele avansa ho inplementasaun progrma no ezekusaun programa no ezekusaun orsamentu ne’ebé iha tiha ona,” dehan Xefe Governu konsituisionál liu husi intervensaun iha ministeriu finansas, Aitarak laran, sesta (22/01/2021).
Iha parte seluk Ministru Presidensia Konsellu Ministru (MPKM) Fidelis Manuel Leite Magalhães hatete, iha retiru ne’e, atu tau hanoin hamutuk no orienta membru governu sira hotu atu implementa programa tuir orsamentu ne’ebe iha ona.
“Retiru ne’e Ministru Finansas (Rui Gomes) halo apresentasaun kona-ba planu rekuperasaun ekonomika nian para enkuadra fila fali membrus governu sira hotu, no involve apresentasaun kona-ba vizaun jeral no objetivu ida husi inisiativa programa rekuperasaun ekonómiku ne’ebé maka governu iha,”
Nia hatutan, programa rekuperasaun ekonómiku ne’ebé iha atu avalia fali lala’ok desempeñu iha timor-leste, entaun saida mak ita tenke halo iha periodu mediu praju no tempu naruk ba oin, tanba preokupasaun final maka sustentabilidade fiskal, ita nia fundu minarai entaun ida oinsa maka atu eleva kualidade sidadaun sira nia moris.
Nune’e mós parte Unidade Planeamentu Monitorizsaun no Avaliasaun (UPMA) halo apresentasaun ida kona-ba orsamento jeral estadu pur programa.
“Orsamentu agora bazeia ba iha programa, membrus governu no diretores jerais sira hotu apar tiha ona maibé inportante tebes membru governu sira hotu hetan informasaun ho klean para apar liu tan, hodi nune’e evita tiha komplikasoens interpretasoens,” dehan fidelis.
Komponentes orsamentu bazeia ba progrmas iha komponente eletroniku, entaun fó hanoin fila fali ba membrus governu sira para iha informasaun ne’ebé diak liu tan oinsa uza sistema eletroniku dalan ba futuru hodi bele kontrolu diak liu tan, akompniamentu diak no mós kontrolu diak iha diresaun jeral sira nian.
MF mós fahe informasaun konaba dekretu governu ezekusaun OJE 2020-2021, hanesan imi hatene katak dekretu governu ba ezekusaun aprova tiha ona no ezekuta hela ne’ebé inportante tebes atu relembra fali ba membru governu sira, karik membru governu iha perguntas adisionais balun i buat balun maka sedauk klaru karik, ohin husu esklaresimentu husi MF bele esplika didiak hodi nune’e ministru sira bele orienta diak liu tan ba servisu sira iha kada ministeriu.
Nia dehan xefe governu, halo avaliasaun no koalia mós orientasaun ba membru governu sira atu servisu diak liu tan durante iha tinan ida ne’e, tan ne’e oitavu governu ida ne’e iha progrma aprovadu husi parlamentu no iha orsamentu ne’ebé promulgadu husi Presidente Republika (PR) Francisco Guterres “Lú Olo maibé iha impedimentu husi pandemia Covid-19 no halo atividade hotu paralizadu.
“Hanoin ona atu prepara no halo planeamentu ba tinan 2022 no tinan hirak tuir mai, entaun hahu ona tenke ho rigor atu ezekuta programa governu nian, no komponente pleneamentu la’o nafatin para ita hanoin antisipadamente “Pandemia ida ne’e, buat hotu ke afeta mundu tomak inklui mós ita nia rai, ezemplu movilidade ema nian menus inportasaun atividade merkadoria komersiu hetan hotu inpaktu ho tan preokupasaun ba redusaun ba agronomerasaun ema, entaun ita nia parseiru sira iha rai liur komersiu no tantu administrasaun publika nian mo iha impedeimentu tanba iha rai barak ne’e atividade pratikamente paralizadu,” katak nia.
Jornalista : Pedro de Almeida
Editora : Nelya Barros
