Lafaek News–Primeiru Ministru Taur Matan Ruak hateten relasiona ho kandidatu Ramos Horta nia krítikas oitavu governu gasta bilioens por bilioens la halo buat ida ne’e Ramos Horta ko’alia de’it maibé laiha dadus.
Ha’u iha dadus para hatudu katak buat ne’ebe doutor Horta dehan ne’e la loos i ha’u triste loos Premiu Nobel da Paz, eis Ministru Negosiu Estranjeiru, eis Primeiru Ministru, Eis Prezidente da Republika kolia, mas la hatene kolia, ” dehan Primeiru Ministru ba jornalista sira iha nia rezidensia Metiaut Dili, sesta (01/04/2022).
Hodi dehan, iha kuartu ho kintu governu Doutor Rui Araújo ho Senhor Xanana Gusmao sira foti 8.4 billioens, iha tinan lima sira gasta 6.5 billioens nia restu 1.8 billioens. Oitavu governu hahu 2019-2020-2021-2022 foti 6.9 billioens foin gasta 3.6 billioens sei iha 3.2 billioens.https://lafaeknews.tl/taur-apoiu-lu-olo-tanba-ho-objetivu-rua/
Agora kuartu ho kintu sestu mak gasta liu ka, ami mak gasta liu i doutor Ramos Horta ba inventa numeru ne’e iha ne’ebe, nia laiha dadus nia kolia arbiru, deskulpa nia laiha dadus ha’u iha dadus,” informa PM Taur Matan Ruak.
Xefi Governu ne’e dehan, segundu Ramos Horta kolia katak governu laiha kapasidade atu organiza taxa partisipasaun, ne’e la loos. Iha tinan 2017 taxa partisipasaun pursentu 71, iha primeira volta 2022 taxa partisipasaun pursentu 77, em termus numerikus 2017 eleitores hamutuk 743.150 ema ne’ebe vota hamutuk 528.813 korresponde pursentu 71,16 , abstensaun 214.337 korresponde pursentu 28,84. Primeira volta 2022 eleitors 859.613, partisipasaun 664.106 korresponde pursentu 77,26, numeru abstensaun ne’ebe la vota 195.507 ou korresponde pursentu 22.
2022, 22 pursentu halo nusa mak partisipasaun la boot, hola dadus iha ne’ebe, ne’e so ema beik mak fiar, ema matenek hanesam ha’u primeiru ministru ke iha dadus surat bara-barak, ne’e la loos. Depois ita nia lider boot ida fo buat falsu ba ita nia populasaun, tanba ne’e ha’u triste loos kadavez ha’u rona doutor Ramos Horta kolia ha’u hanesan atu lakon fali respeitu ba nia, ” hakotu Taur.
Jornalista : Juvita dos Santos
Editor : Agapito de Deus
