Lafaek News-(Baucau)–Independénsia rai lulik Timor konta netik ho povu nia dedikasaun, molok marka tinta lulik ho letra Ukun Rasik An, selu ho mate, lakon leet, torturasaun no família balun tenke fahe malu, ikus mai mosu ho rezultadu furak hakerek ho letra lulik Repúblika Demorkrátiku Timor Leste.
Sentidu husi Repúblika Demokrátiku Timor Leste katak povu hotu iha territóriu nasionál direitu ba moris iha ambiente ekonomia ida ne’ebé sustentabilizadu, direitu no liberdade atu asesu edukasaun ho saúde, direitu hela iha fatin dignu, maibé haree ba iha situasaun real ema moris di’ak uituan de’it, ema barak liu sakrifika hela ba moris loro-loron, kiak ba hela fatin no kiak mos ba nesesidade báziku.
Situasaun real hatudu inan feton Aida Monteiro husi munisípiu Baukau loro-loron tenke hili aqua mamuk iha nia rain ran fakar fatin atu bele fan netik hetan osan rahun uituan sosa foos habosu kabun hodi funu hasoru moris ba tempu naruk.
Loron kinta (31/03/2022) hanesan milagre ida ba jornalista lafaek news hodi hatudu dalan ba jornalista ne’e hateke hetan inan feton Aida iha ne’ebé hili hela aqua mamuk iha lixu fatin, estrada ninin no valeta leet sira butuk hamutuk hodi fan hikas hodi hetan osan sustenta nesesidade uma-laran no sustenta oan sira nia eskola hanesan deklarasaun kbiit laek ne’e iha paragrafu kraik ne’e.
Ba hili aqua mak ha’u la ba ona ne’e, labarik sira sai husi eskola mai mak ba hili aqua labarik sira balun ekola dader, entaun lokraik mak sira ba hili aqua lata mamuk botir sira ne’e mak lori mai faan no ha’u ba hola netik foos oan sira ne’e,’’dehan Aida ba lafaek news iha Baukau, kinta (31/03/22).
Presu husi aqua mamuk mak hanesan, aqua lima puluh sen tolu hetan sentavus 10, aqua kuarter nian 6 folin sentavus 10, maibé ema sosa ho tempu di’ak de’it, dala ruma mós ema la presiza, moris hafalun ho triste, hateke ema seluk nia haksolok sukit mata-wen turuk, fuan dilema laran metin loos ba se?.
Orsida ami ba faan ne’e ami hetan barak liu ne’e sorte ona hetan karon ida orsida mai fase mos tiha mak lori ba faan balun hola 1.$ nian, osan 1$ ne’e ami rai di’ak de’it troka ba nia rahun mak fo ba labarik sira lori ba eskola, ami faan mak hola ona 2$ ou 3$ nian ne’e Ami rai di’ak ba labarik sira eskola nian, balun orsida ami sosa fali foos haknauk batar hikis sira ne’e lori mai tein ba labarik sira han,” dehan Alda
Nia hatutan kondisaun uma ne’ebé inan feton kbiit laek ne’e ho nia oan sira hamahan an ba da-daun kondisaun la diak ona, bainhra tempu udan bee mak nalihun iha uma laran, maske autoridade lokal sira mai verifika uma ne’e nia kondisaun atu hadia, maibé rai pedasuk ne’ebé hatur uma baraka ne’e la’os Aida ho nia kaben nian, rai nain lolos mak estadu.
Estudante Maristas Sira mak mai hadia deit uma sorin nee sira hola deit ai,semen saka 1, kalen 20 Ida nee deit mak sira mai hadia uma nee nia sorin deit” dehan nia..
Inan kbiit laek Aida Monteiro iha oan hamutuk nain hamutuk nain hitu, maibé neen fila hikas ba maromak kadunan santa, hela de’it ida naran Olinda ho nia oan nain hitu, hela hamutuk ho inan kbiit laek hodi tulun malu nesesidade uma laran liu husi hili aqua mamuk.
Ha’u Nia oan ne’e hamutuk nain Hitu nain neen mate ona,hHela nain ida mak agora hela ho Ha’u ajuda ha’u hili lata botir sira ne’e hodi ami bele sustena familia ida ne’e, “dehan Nia
Aida haktuir nia Olinda nia oan hitu ne’e, nain rua mak matebian no hela nain lima, maibe nain lima ne’e, haat la eskola nain ida de’it mak eskola iha ensinu Primaria Baukau, maske hanoi hakarak beioan sira tenke eskola, maibé labarik sira lakohi ba eskola inklui fator ekonomia la suporta.
Ha’u hakarak ne’e sira hotu eskola, maibe sira la fo ulun, sira eskola la ba oin ida, beoan primeiro naran Angelica ne’e eskola tinan 3 de’it sai tiha, ida segundo Paulo mos hanesan eskola too de’it iha SD klase 4 sai tiha,
Agora ida naran Aseita mak hela ho ha’u, agora eskola too SD klase 5 ona, agora beoan nain rua naran Ida Atino tinan 8, Febriana tinan 6 atu daftar sira rua nia naran nia eskola maibé osan laiha ne’e” dehan Alda.
Inan kbiit laek Aida Monteiro hakarak husu tulun ba governu, maibé kbiit la too atu ko’alia ho xefe aldeia ho xefe suku, laiha ema ida ko’alia lian maka’as kona-ba moris familia ne’e, se governu hanoin bele mai tau matan, se la tau matan mos laiha buat ida.
Jornalista : Ana Romana da silva
Editor : Agapito de Deus
