Lafaek News (Maubise)-Governu liu husi Ministériu Saùde dezde 2021 too ohin 2022 seidauk selu uma ho restaurante ne’ebe ministériu saúde aluga utiliza hanesan karantina ba pasiente covid-19 iha postu administrativu Maubisse munisípiu Ainaru.
Diogo Belarmino de Araujo nu’udar nain ba restaurante ne’ebé ministériu saúde aluga ba pasiente covid-19 iha Maubisse informa, Ministériu Saúde ba Maubisse iha loron 26 fulan Abril 2021, liu husi saúde munisípiu Ainaro halo kontratu ba uma ho restaurante ba pasiente covid-19, maibé too ohin loron seidauk selu.
Sira Mai iha dia 26 de Abril 2021 husi ministeriu saude husi Ainaro kontratu hau uma ho restaurante nee uja ba karantina ne’ebe Sira hateten dehan hanesan nee tio Ami uja semana rua selu semana rua hein too hotu mos laselu primeiru mos laselu segundo mos la selu hotu,”dehan Diogo ba lafaek news iha suku Maubise posto Maubise Vila 1/04/2022
Nia dehan, ministériu saúde debe hahú husi tinan 2021 too 2022 agora seidauk selu hotu, estadu Ida bele mai debe fali ema ida hanesan povu kiik ne’e, dala ruma kafe falun ida atu hemusosa la kotu, agora mai debe tan povu kiik susar atu moris ba oin.
Hatutan tan, governu nusa la ba debe ema sira ne’ebe mak riku hanesan Mauhoka Oscar Lima ,Tinolina sira ne’e mai debe fali ema ida kiak hanesan ne’e imi (governu) nia dignidade ne’e iha ne’ebé.
Governu Nusa ba debe hanesan Mauoka ,debe hanesan Oscar Lima,Tinolina sira nee karik oin seluk agora governo Ida mak debe fali ema Ida kiak hanesan ha’u imi nia dignidade nee iha ne’ebe ,ha’u tutuir Sira atu selu hanesan fali Hau Mak atu ba esmola ba Sira” dehan Diogo
Uma ne’ebé mak ministériu saúde aluga ne’e kompostu husi kuartu 8 no uma ne’e MS aluga tomak de’it kada kuartu ida selu $30 dolar Han $8 dolar hahu husi matabisu too jantar no pasiente covid-19 ne’ebé mak mai hela iha fatin refere hamutuk nain 15.
Total orsamentu ne’ebe mak ministériu saúde seidauk selu osan hamutuk $2000 dolar mk seidauk selu depois iha dia 21 Junho 2021 too 20 de julho sira selu deit osan $5440 dolar restu husi 21 julho too 20 de outubro nee nee seidauk selu hotu.
Ha’u husu ba ministeriu saude atu selu ha’u Nia osan ha’u la husu governu Nia sasan ga ministeriu saude Nia sasan ha’u hakarak selu deit Hau Nia osan,estadu Ida ne’ebe debe Povu nia osan nee so uniku Timor mak foin akontese debe Ita hanesan ne’e signifika atu oho fali Ita,” dehan Diogo
Relasiona ho notisia ne’e Jornalista lafaek news seidauk konfirma husi parte relevantes sira liuliu ministúriu saúde husi munisípiu Ainaro.
Jornalista :Domingas Viana
Editor : Agapito de Deus
