Lafaek News—Paltaforma Nasional Bee Timor Leste (PN BESI-TL) realiza workshop hodi aprezentasaun rezultadu bee no saneamentu Ijiéne ba parseiru dezenvolvimentu.
Iha okaziaun ne’e Koordenador PN-BESI-TL Januário Amaral esplika, objetivu workshop ne’e hamutu ho ekipa liu-liu plataforma nasional bee saneamentu ijiéne Timor-Leste, hamutuk ho parseiru la’o hamutuk realiza atividade asesmentun Instituisional ho parseiru dezenvolvementu sira ne’ebé durante tinan 20 resin apoiu maka’as ba governu oinsá bele garante dezenvolvementu setor bee saneamentu ijiéne iha Timor-Leste.
“Atividade ida ohin ne’e ita la fokus tinan 20 resik ne’e tomak maibé ita haree de’it husi tinan 2018 to’o mai 2023 ne’ebé ita atu haree parseiru dezenvolvimentu sira liu-liu oinsá sira apoiu entermus materia inklui mos apoiu moral ba ita nia governu atu nune’e atinje metas ne’ebé governu trasa ona bele atinje tinan 2030, Ita nia fokus prinsipal ida ne’e liu-liu haree mapamentu intervensaun iha setor bee no saneamentu TL liu-liu ita nia parseiru sira nia apoiu no orsamentu hira mak parseiru sira apoiu ona, tanba ita konsiente durante ne’e problema boot ne’ebé ita nia estadu hasoru ita laiha dadus, Governu rasik mos laiha dadus ou mapamentu klaru kona-ba intervensaun parseiru sira nia apoiu liu-liu fokus ba setor bee no saneamentu iha Timor-Leste, tan ne’e iha munisípiu balu intervensaun dupla tiha organizasaun asesmentu tolu mak iha ne’ebá munisípiu balu laiha tiha,” Koordenador PN BESI-TL, Januario Amaral ba jornalista sira iha salaun Fongtil Kinta 03/07/2025/.
Januario fundamenta, governu balu mos ladun tau atensaun didi’ak munisípiu balu halerik hela ba bee mos hodi ne’e hamutuk ho parseiru Lao Hamutuk atu halo asesmentu nasional ida ajénsia sira atu indentifika durante munisípiu no area ida ne’ebé no Inklui orsamentu hira durante ne’e parseiru sira apoiu ona hahu husi 2018 2023. ida ne’e espera katak, bele implementa.
Jornalista : Moises Guterres
