Lafaek News—Gabinete Sekretaria Estado Kooperativa hala’o reuniaun konsellu Koordenasaun ho movimimentu kooperativa sira hosi munisipiu 12 inklui Rejiaun Administrativa Espesial Oe-Cusse, hodi diskute kona-ba lei kooperativa nian la harmoniza kooperativa primaria hodi asesu ba rejistu iha notariadu.
“Depois ezijensia husi kooperativa primaria sira atu ba rejistu iha setor primaria iha notariadu atu hetan legalidade ba kooperativa sira atu hetan mos númeru TIN, maibé tan iha lei balun iha instituisaun notariadu, SERVE iha dekretu lei koperativa ne’e rasik ladun harmoniza, ida ne’e difikulta membru no koperativa primaria sira atu ba rejistu iha notariadu,” Arsénio Pereia hatoo asuntu ne’e ba jornalista sira iha salaun Katedral, kinta (03/07/2025),
Ho lei kooperativa ne’ebé la harmoniza kooperativa primaria ba rejistu legalidade, tan ne’e SEKopp halibur membru hotu atu deskute, tan ne’e orador sira mai instituisaun relevante sira atu divulga prosesu la’o atu halo rejistu ne’e oinsa, tanba ne’e SEKOOP konvida movimentos kooperativa barak mai husi munisipio hotu atu partilha ba sira hatene rasik prosesu rejistu iha notariadu hanesan kooperativa.
Iha fatin hanesan, Prezidente Konsellu Kooperativa Krédiru Defisiensia Timor Leste, Evaristo da Conceição haktuir nia parte agradese ba SEKoop tanba bele apoiu kooperativa defisiensia Timor Leste la’o ho di’ak liu hosi hasa’e produsaun ekonomia.
“Ami agradese ba SEkoop tanba bele apoiu ami hasa’e produsaun ba Ekonomia, ne’ebe apoiu husi SEKoop ba parte defesiensia nian ami onra tebes estado nia apoiu ba setor kooperativa kréditu defesensia Timor Leste, ba dahuluk ami hetan 9.000 husi SEKoop ida ne’e halai liu ba atividade hanesan karau, manu Rade, nomos iha formasaun oinsá ita nia membru bele hatene kuida sasan sira ne’ebe governu fo liu husi SEKoopba iha kooperativa Defisiensia Timor Leste”nia afirma
Koperativa Kréditu Timor Leste Instituisaun Munisípiu Dili iha membru 572 Kobre servisu iha munisipiu 12 inklui Rejiaun Administrativu Espesial Oe-Cusee no Ambeno.
Estajiadu : Domingas S. Beto
