Lafaek News—Prezidente Tane Komsunidór, Antonio Ramos da Silva, informa, durante hala’o peskiza iha merkadu nasionál iha munisípiu Dili, husi fulan dezembru mai to’o abril 2021 rezultadu presu foos tendénsia sa’e mákas to’o pursentu 1,80 iha merkadu nasionál.
“Objetivu husi peskiza ida ne’e atu ajuda familia sira atu asesu ba informsaun kona-ba presu produtu alimentar sira ne’ebé mak iha Dili laran, durante iha estadu emergénsia nia laran, máka husi dezembru mai to’o abril nia tendensia aumenta pursentu 1. 80,” esplika, Presidente Tane konsumidor, Antonio Ramos Da Silva, iha edifisiu Tane konsumidor Vila-Verde, Sexta, (14/05/2021).
Nia dehan, peskiza ida ne’e inklui programa sesta bázika ne’ebé sai únika hodi halo komparasaun máka foos, tanba hare’e ba orsamentu estadu aumenta presu foos mos aumenta mákas.
“Ha’u foti foos sai hanesan análiza komparativa iha periodu rua ne’e, tanba ita nia hahan alimentar ne’e mak foos, no hatudu katak ho folin ne’ebé karun konsumidor sira sei ba nafatin loja ne’ebé mak importadu, tanba kapasidade produsaun ne’ebé la naton hodi kompete,” nia Deklara.
Enkuantu loja ne’ebé TANE Konsumidór peskiza hamutuk 26 liu-liu iha munisípiu Dili, falta Pateo ho Qulina maka la halo peskiza tanba sasan la kompletu, maibé sei kontinua nafatin peskiza ida ne’e kada trimestre nune’e bele observa dinámika merkadu no ekonomia.
Jornalista : Rita Moniz
Asisten Editór : Pedro de Almeida
