Lafaek News—Ministério Saúde (MS) liu husi Pilar VII Covid-19, Nilton do Carmo da Silva, informa, pasiente Covid-19 iha izolamentu ba da-daun na’in 18 mak rekupera husi pandemia cocid-19, inklui rejista kazu foun na’in 1, baixa hamutuk 22.
Portavoz Nilton do Carmo reafirma, ohin komisaun nasionál inkorpora tan pasiente Covid-19 rekuperadu na’in 18 husi Izolamentu Vera Kruz, pasiente ne’e na’in 3 husi Nasaun Tanzania, na’in 2 tama klandestina no na’in-13 mai husi Indonézia liu husi Pontu Entrada Batu-Gade iha 20 janeiru 2021.
Porta vos dehan, ministeriu saúde rejista kazu komfirmadu foun ne’e sidadaun Timor-oan ida tama ona iha sala izolamentu.
“Atualiza kazu konfirmadu foun Covid-19, Liu husi oportunidade ida ne’e ohin komisaun nasionál rejista tan kazu pozetivu foun Covid-19 Timor-oan mane na’in 1 ho idade 28, pasiente ne’e asimtomátiku no da-daun ne’e iha ona izolamentu Vera Cruz, Dili,” dehan kordenador Pilar VII Covid-19, Nilton do Carmo da Silva, iha konferénsia imprensa, Palasiu das Sinzas Kaikoli, Kinta, (18/02/21).
Nia relata, iha loron 4 Fevereiru 2021 nia viájen husi Loundress, Reinu Unidu ba Doha ho aviaun Qatar Airlines, no iha loron 5 fevereiru husi Doha ba Malázia, toba kalan ida iha Aeroportu Kuala Lumpur, iha loron 6 Fevereiru husi Malázia mai Timor-Leste.
“Sidadaun ne’e hela iha kuarentena otél Carla Mension, iha kauarentena ne’e iha pasajeiru hamutuk ema na’in 16, Swab teste foti iha 16 fevereiru no rezultadu pozitivu relata iha loron 18 fevereiru,” dehan nia.
Entertantu, dadus ba loron 18 fevereiru 2021, komulativu teste 20.617, komulativu negativu 20.404, hein rezultadu 110, komulativu Kazu 103, kazu foun 1, rekupera 18, komulativu rekuperadu 81+4 = 85, atuál Baixa 22, kuarentena 228 (Dili 149, munisípiu 79), auto-kuarentena 24 (Dili 4, munisípiu 20), passa ona 14 dias 7965 (Dili 6575, munisípiu 1390).
Jornalista : Sandi Belo
Asisten Editór : Pedro de Almeida
