Lafaek News—Vise Ministru Saúde Bonifacio Maucoli, informa Pasiente ne’ebé iha aviaun laran ema diplomata husi World Food Progamme (WFP) no hetan kedan moras Covid-19 iha Indonesia bainhira atu evakua ba Australia.
“Pasiente iha laran ne diplomata husi WFP nia maka iha aviuan laran,” dehan vice Ministru Saúde ba Jornalista sira iha arepoartu Nicolau Lobato Komoro, kuarta (13/01/21).
Responsavel WFP ko’alia ho Vise Ministru Saude Iha aeraportu internasional Nicolau lobato hafoin observa aviaun tula pasiente Covid-19 para iha aeraportu. Foto LN : Acacio Pinto.
Vise Ministru saúde ne’e esklarese katak aviaun refere seidauk bele semo ba Australia, tanba kondisaun klima iha Australia rasik ladún di’ak inklui aviaun ne’e mós roda sei kuak hafoin tuun iha aeroportu Komoro.
Iha fatin hanesan prezidente Autoridade Nasionál Aviasaun Timor Leste (ANATL), José Trindade da Cruz Pinto, informa Aivun ne’e hetan duni autorizasaun mak tuun iha aeraportu Dili, bainhira atu enxe mina derrepente haree roda kuak husi parte pilotu nian, nune’e too agora seidauk semo fali ba Australia.
“Aviaun ne’e tuun la’os atu halo movimentu iha Timor la’e, ne’e hetan autorizasuan husi AACTL mak autoriza tuun, tanba iha aviaun iha situasaun emerjénsia,” prezidente ANATL ne’e.
etretantu, horseik, Aviaun ida ZET VH-IL J ho number flight LZ, semo husi Jakarta bá Austrália tun emerjénsia iha Aeroportu Internasionál Nicolau Lobato, Dili, ho pasiente COVID-19 na’in ida iha Aviaun Laran.
WFP ko’alia ho Vice Ministru Saude, Bonifacio Maucoli hafoin observa Aviaun ne’ebé a’at iha Aerapotu Nicolau Lobatu Dili.
Tuir informasaun ne’ebé Lafaeknews.com asesu husi fonte kredivél balun iha aeroportu Intenasionál Nicolau Lobato Dili Timor-Leste, Aviaun refere aranka husi Jakarta atu aranka ba Austráia, maibé avaria entaun tun emerjénsia iha aeroportu internasionál Nicolau Lobato, Dili, iha horiseik tuku 16:30 no tula ho pasiente COVID-19 ida iha aviaun laran.
“Aviaun ne’e semo husi Jakarta atu ba Austrália tula ho pasiente COVID-19 ema Australianu ida no agora dadauk aviaun ne’e para hela iha aeroportu nia klaran no iha aviaun laran ne’e pilotu na’in rua no mediku rua nomos pasiente COVID-19 ne’e,” dehan fontes kredivél, ida serivsu iha aeroportu internasionál Nicolau Lobato, Kuarta (13/01/2020).
Nia hatutan, aviaun refere ho marka ZET VH-IL J ho number flight LZ, refere horiseik tun emerjénsia iha aeroportu intrnasional Nicolau Lobato Dili, iha tuku 16 liu minutu 30 tanba kondisaun roda haat avaria hotu.
Enkuantu oras ne’e iha dadauk WFP vice-Ministru Saúde, Bonifacio Maucoli, ho PNTL-F-FDTL to’o iha fatin aviaun para ba no pasiente COVI-19 iha hela aviaun laran.
Nune’e Aviaun ne’e seidauk bele hadia tanba sei buka hela solusaun atu hatun pasiente Covid-19 ho provizória iha area aviaun para fatin mak foin bele halo manutensaun ba aviaun.
Tuir Kronologi aviaun ne’e tun , tanba pilotu husi aviaun ne’e husu atu tau mina depois mak semo fali, maibé wainhira tun aviaun nia roda kuak entaun to’o agora seidauk bele semo.
Entretantu, situasaun jeral iha Timor Leste, hahu husi povu husi nivel baze too nasional iha hela situasaun estadu emerjensia, tuir regra EE dasiak entrada nasaun nian ne’ebe tenke taka provizoriu mak hanesan, portu, aeroportu no fronteita terrestre.
Jornalista : Acacio Pinto
Editór : Floriano Soares
