Lafaek News–Pasiente Covid-19 Mane Ida ho idade 67, domingu (08/08/2021), hakotu Iis iha izolamentu Vera-Kruz, ho moras komplikadu (SIRA)sindroma insufisiénsia respiratória aguda.
“Iha loron 7 Agostu loro kra’ik aprezenta a’an iha emerjénsia HNGV, ho sindroma insufisiénsia respiratória aguda (SIRA), ka susar atu dada-i’is no iha loron ne’e kedas transfere ba hala’o tratamentu iha Vera-Kruz, tuir protokolu tratamentu Covid-19, hafoin oras balun, pasiente la mellora, no i’is kotu horikalan 9:45, tan bá respiratoric failure no multiple organ failure,” esplika koordenadór forsas tarefas ba prevensaun no mitigasaun surtu Covid-19, Rui Maria de Araújo, liu husi komunikadu imprensa, Domingo (8/08/2021)
Rui Maria de Araújo informa, total mate ne’ebé relata ohin 8 Agostu 2021: 1 (ida), ho detallu hanesan tuir mai; Mane, idade 67, Timoroan, hela iha Bebonuk, Dili, diagnostikadu ho Covid-19 (Cycle Threshold: N2 gene 20,2, E gene 18,2) iha HNGV, iha loron 7 Agostu 2021, metebian iha istoria insufisiénsia renal faze terminal, hala’o tratamentu regular ho hemodiálize.
Nune’e, familia kordena ho ekipa saúde atu hala’o funeral tuir protokolu ne’ebé adopta iha Timor-Leste.
Enkuantu, Kazu detetatu foun ne’ebé iha loron 8 Agostu 2021: 54 (iha Dili 36 no munisipiu seluk hamutuk 18), husi total kazu detetadu foun ne’e: mane 26, feto 28, kazu detetadu foun hirak ho idade 12:3, ho idade entre 12-59 nain 48 (88,9%), ho idade 60:3, no husi total kazu detetadu foun sira ne’e 20 kazus ka 37% maka sintomátiku (hatudu sintomas).
” Kazu rekuperadu ne’ebé ralata ohin hamutuk: 19, kazu ativu ohin hamutuk: 1.335, no total kazu konfirmadu kumulativu iha loron 8 Agostu 2021 (sura husi 21 Marsu 2020): 11.475,” dehan nia.
Koordenadór ne’e hatutan, iha loron 8 Agostu 2021, izolamentu Vera-Kruz halo tratamentu ba kazu detetadu nain 25, iha área obstetrisia nain 10, iha medisina interna nain 13, iha sirurjia nain 2, sira nain 10 iha obstetrisia, kategoria leve (mild) hotu, husi sira nain 13 iha medisina interna, 3 kategoria grave ( 2 uza ventilador, ida ho O2), 2 kategoria moderadu, 8 kategoria leve (mild), no sira nain 2 iha sirurjia, kategoria leve (mild) hotu.
Jornalista : Sandi Belo
Editór : Agapito de Deus
