Lafaek News—Kazu rekupradu husi covid-19 iha Timor Leste, iha loron 27, Maiu 2021, kompostu husi ema na’in 225 livre husi pandemia covid-19, no rejista foun 213 inklui kazu ativu 2727.
“Kazu detetatu foun ne’ebé relata iha loron27 de Maiu de 2021: 213 (iha Dili 182, iha Munisipiu seluk 31), husi total kazu detetadu foun ohin: mane 124, feto 89,” esplika kordenadór forsa tarefas ba prevensaun no surtu covid-19, Ruj Maria de Araújo, liu husi komunikadu imprensa, Kinta (27/05/2021)
Total kazu detetadu foun ohin, hirak ho idade 12: 1, ho idade entre tinan 12-59 nain 204 (95,7%); ho idade 60:9, husi total kazu detetadu foun ne’e, proporsaun kazu sintomátiku hamutuk 9,3%, kazu rekuperadu ne’ebé relata ohin, loron 27 de Maiu 2021: 225, total kazu ativu, dia 27 de Maiu 2021:2727, kazu konfirmadu kumulativu iha 27 de Maiu 2021 (sura husi 21 Marsu 2020): 6459.
Total óbitu ne’ebé relata iha loron 27 de Maiu 2021: 1, ho detalle hanesan tuir mai; Mane, idade tinan 59, Timoroan, hela iha Mascarenhas, Postu Administrativu Vera-Kruz, ba HNGV ho keixa isin-manas, muta, kabun laran moras durante loron 2 iha uma.
Matebian iha mós istória operasaun fatuk iha rins, hafoin halo ezame fiziku no exame komplementar sira seluk, médiku sira to’o iha diagnóstiku traballu (working diagnosis) peritonite no septic shock.
Aleinde ne’e, deteta mós pozitivu SARS-CoV2 ho Cycle Threshold (CT) N2gene 40,8, Egene 38,8 no husi HNGV transfere ba fatin izolamentuVera Cruz, no i’is kotu iha 11:50 ho multiple organ failure.
“Iha dia 27 de Maiu de 2021, izolamentu Vera-Kruz halo tratamentu ba kazu detetadu nain 41, iha área obstetrisia nain 20, no iha medisina interna nain 19, pediatria 1,neonatolojia 1,” dehan nia
Nune’e, sira nain 20 iha obstetrisia, kategoria leve (mild) hotu, no husi sira nain 19 iha medisina interna, nain 4 grave (2 iha ICU uza CPAP, 2 uza oksijéniu), nain 5 moderadu, 10 leve (mild). Kazu 1 iha pediatria tama iha kategoria leve (mild). Kazu 1 iha neonatolojia, moris liu husi partu normal iha fasilidade Izolamentu Vera-Kruz, husi inan pozitivu ho Cycle Threshold (CT) N2gene 24,9, Egene 24,0. Hafoinhala’o test PCR, bebe´mós pizitivu ho Cycle Threshold (CT) N2gene 18,2, Egene 14,4.
Nia dehan, Foin primeira vez bebé ida moris iha Vera-Kruz, husi bebé 17 ne’ebé moris husi inan pozitivu, hafoin test, bebé mós pozitivu, kazu ne’e tama iha kategoria leve (mild).
Entretantu, dadus jerál pandemia covid-19 husi inísiu too ohin loron, total konfirmadu 6,459, kazu ativu 2,727, pasiente rekuperadu hamutuk ema 3,717, pasiente ne’ebé mate hamutuk ema 15.
Jornalista : Sandi Belo
Editór : Agapito de Deus
