Lafaek News–Koordenadór Forsas Tarefas ba Prevensaun no Mitigasaun surtu covid-19, Rui Maria de Araújo, informa, Pasiente mane 1 ho idade 76 hakotu iis Iha Izolamentu Vera-Kruz ho sindroma insufisiénsia respiratória aguda (SIRA) tan bá Covid-19 (Teste PCR nia rezultadu pozitivu, Cycle Threshold: N2 gene 18,6, E gene 16,2).
Rui Maria de Araújo, informa óbitu ne’ebé relata iha loron 15 Agostu 2021: 1 (ida), ho detallu hanesan tuir mai; Mane, ho idade 76, Timoroan, hela iha Vera Kruz, Dili, diagnostikadu iha loron 13 Agostu 2021, ho sindroma insufisiénsia respiratória aguda (SIRA) tan bá Covid-19 (Teste PCR nia resultadu pozitivu, Cycle Threshold: N2 gene 18,6, E gene 16,2).
” Metebian iha istória moras obstrusaun pulmonar krónika (Chronic Obstructive Pulmonary Disease), ho mós istória tratamentu Tuberkuloze, no iha loron ne’e kedas transfere ba hala’o tratamentu iha Vera Kruz, tuir protokolu tratamentu Covid-19, ohin dader, i’is kotu tan bá respiratoric failure, teste PCR hafoin i’is-kotu nafatin pozitivu (CT N2gene 17,3, Egene 15,2),”esplika koordenadór forsas tarefas ba prevensaun no mitigasaun surtu covid-19, Rui Maria de Araújo, liu husi komunikadu imprensa, Domingo (15/08/2021)
Nune’e, familia kordena ona ho ekipa saúde atu hala’o funeral tuir protokolu ne’ebé adopta iha Timor-Leste.
Enkuantu, kazu detetatu foun ne’ebé relata iha loron 15 Agostu 2021: 142 (iha Dili 92 no Kovalima 23, Baukau 13, RAEOA 11, Aileu 1, Ainaro 2, no husi total kazu detetadu foun sira ne’e: mane 77, feto 65, husi total kazu detetadu foun hirak ne’e ho idade 20:28 (19,7%), ho idade entre 12-59 nain 110 (77,4 %), ho idade 60:4, no husi total kazu detetadu foun ne’e 46 kazus ka 32,3% maka sintomátiku (hatudu sintomas).
” Kazu rekuperadu ne’ebé ralata ohin hamutuk: 13, kazu ativu ohin hamutuk :2.068, no total kazu konfirmadu kumulativu iha 15 Agostu 2021 (sura husi 21 Marsu 2020): 12.565,” tenik nia
Jornalista : Sandi Belo
Editór : Agapito de Deus
