Lafaek News–Prezidente Câmara Comérsiu Indústria Timor Leste (CCI-TL) Oscar Lima afirma nia parte rekoñese durante mandatu nu’udar prezidente CCI-TL kumplikadu atu realiza nia proagrama razaun kauza husi impase polítika mosu kedan iha 2017 too 2020, afeta mós ho pandemia covid-19 iha mundu internasional inklui Timor Leste.
Ha’u nia mandatu nu’udar prezidente CCI-TL ne’e kumplikadu, tanba ita hasoru impase polítika ne’ebé naruk, ida ne’e ita hanoin katak buat ne’e todan, impasse ne’e hotu tiha ita hasoru kedan pandemia covid-19 iha mundu tomak depois ema hotu tauk laiha atividade afeta maka’as ba ita nia ekonomia iha rai-laran tuun maka’as, entaun ita la halo buat ruma, maske ita iha tiha ona programa ho planu, maibé planu ho programa hirak ne’e la la’o tanba situasaun iha rai laran mak la apoiu atu halo servisu,’’ katak Oscar Lima ba lafaek news iha kna’ar fatin, tersa (22/03/22).
Prezidente CCI-TL ne’e relata, programa ne’ebé durante ne’e hala’o maka hanesan realiza treinamentu ba setori privadu rai-laran inklui hala’o de’it enkontru vertualizasaun ho emprezarius sira, maske buat ida ne’ebé la efetivu, maibé situasaun real husi 2017 too 2020, emprezarius tomak sente afeta teb-tebes ba roda ekonomia rai-laran.
Durante ne’e ita halo de’it treinamentu no enkontru virtual, maske buat ida ne’ebé ladún efetivu, más hakarak ka lakohi tenke utiliza buat hirak hanesan ne’e, maibé ema barak tebes nia hanoin tanba tauk moras nia la sai, ita bolu atu halo kualker atividades ida difisil tebes, maibé la para kontinua nafatin treinamentu balun brani ita halo nafatin,’’ dehan Oscar Lima.
Aleinde ne’e, prezidente CCI-TL ne’e mós koa’lia kona-ba nia mandatu besik remata, maibé nia kompromete buka dalan seluk bainhira mosu fali prezidente CCI-TL foun kontinua servisu hamutuk hodi kontinua hala’o servisu barak ne’ebé la konsege hala’o iha nia mandatu.
Buat sira ne’e hotu ita haree mandatu ne’e la kleur mos hotu ona, kuandu la kleur hotu ona depois ita oinsá ita buka dalan seluk, se prezidente ida mai fila-fali hanusa mak bele book fila-fali, buat ida Cámara Comérsiu Indústria ne’e difisil tebes, ita haree katak munisipius barak la too atu hili fali ninia prezidente sira ninia hotu ona, más atu hili fali ida foun mós susar tebes, difisl tebes, tanba ema barak lakohi tau nia an iha risku, tanba buat ida covid ne’e,’ entaun ida ne’e mak buat hotu paradu, maibé iha ha’u mandatu daruak buat barak mak ami halo no mos buat barak mos la halo,’’ nia fundamenta.
Oscar Lima afirma, servisu seluk ne’ebé halo iha nia mandatu mak konsege hamutuk ho oitavu governu konsege halo dekretu lei nú/17/2021, buat ida ne’ebé di’ak tebes atu fo kna’ar ba setor privadu Timor Leste boot tebes, tanba uluk setor privadu Timor Leste hala’o projetu tender só bele too 1 millaun de dolar, maibé agora bele loke too 7 millaun de dolar ka bele liu ida ne’e, importante iha kriteira no iha osan, ekipamentu, tékniku no rekursu kompletu bele kaer projetu boot liu.
Ida fali ema estranjeiru labele kaer projetu liu 7 millaun de dolares ba kraik, ne’e dekretu lei ne’ebé ami luta kleur tebes dezde ha’u prezidente CCI-TL, buat ne’ebé ha’u halo di’ak liu mak ida ne’e,’’ Oscar Lima hakotu.
Jornalista : João Soares
Editor : Agapito de Deus
