Lafaek News–Prezidente Conisaun Nasional das Elesoens (CNE), José Belo ba da-daun CNE halo hela verifikasaun namanas ho transparente no netrulidade realidade ema hotu hatene votus barak nulu, rezultadu final sei tuir prosedimentu. 

José Belo hatoo asuntu ne’e hafoin halo abertura prosesu verifikasaun votus iha urnas ne’ebé transfere husi STAE ba CNE hafoin prosesu apuramentu remata. 

Ita sei halo verifikasaun ba votus ne’ebé reklamadu, nulu tanba ita hatene votus nulu mos barak ho montante 3.000 sira nee ita sei verifika hotu, tan nee Ami sei halo tranparansia ne’ebé di’ak no sei servisu ho neutru núnee rezultadu ne’ebé sai bele la’o tuir prosedur,” dehan prezidente CNE José Belo ba jornalista hafoin remata abertura iha CNE Kolmera Dili, tersa ( 22/03/2022).

Prezidente CNE ne’e reafirma, oras ne’e da-daun  ekipa nasional sei halo hela kontajen de votus, tanba nulu ho reklamasaun barak karik votus ne’e aumenta ba kandidatu ida mak liu 50% entaun la presiza ba sengundu volta.

Agora ita seidauk hatene tanba sei iha prosesu kontajen hela, atu primeira volta ka segundu volta depende ba prosesu neebe ita lao hela, maibe Akta husi rai liur nia rezultadu iha ona offisialmente atu lori mai mak sei prosesu hela maibe loron 25 husi Australia to’o Timor no mos husi korea sei too Timor iha loron 27 fulan nee,” nia esplika.

Observasaun lafaek news partisipante ne’ebe partisipa iha serimonia abertura ne’e mak hanesan, observadores husi nasional no internasional, UNDP, Fiskais kandidatus ho PNTL.

Jornalista : Orlando Magno

Editor         : Agapito de Deus