Lafaek News—Orgaun Konsellu Imprensa kestiona media nasionál kompostu husi Ajénsia Tatoli, GMN TV no Oe-kusepost ne’ebé halo publikasaun ba notísia eis padre Richard Daschbach laiha balansu tanba konfirma ho fontes sira.

Prezidente Konsellu Imprensa, Virgílio da Silva Guterres hato’o kestaun liuhosi  konferénsia imprensa, iha salaun Kintál Boot, Sesta (05/02/21), katak media sira ne’ebé kobertura ba aprezentasaun faktus laiha balansu, tan ne’e KI sei haree no halo análiza.

“Hanesan ha’u hatete iha deklarasaun, konsellu imprensa katak, ba mídia sira ne’ebé mak halo kobertura aprezentasaun ba faktus ne’ebé mak mídia sira hato’o la balansu i iha ne’ebé ha’u hatete katak konsellu imprensa sei haree no analiza husi situasaun sira,” afirma Virgílio da Silva Guterres.

Objetivu husi konferénsia imprensa ne’ebé Konsellu Imprensa realiza kona-ba loron 26 Janeiru, ajénsia Tatoli, Online Oe-kussepost, no GMN TV halo publikasaun  notisia ida kona-ba Kay Rala  Xanana vizita eis Padre Richard Daschbach.

“Konsellu imprensa nia hanoin kona-ba kobertura mídia nia kona-ba ba Kay Rala Xnana Gusmão vizita eis Padre ne’ebé agora sai polémika ba públiku no mídia sosiál ne’ebé involve mós konsellu imprensa liu-liu preszdente konsellu imprensa,” Virgílio deklara.

Tuir análiza konsellu imprensa haree katak, jornalista sira ne’ebé mak husi mídia tolu ne’ebé mak ba halo kobertura ne’e sira la hakerek notisia rasik no la ba buka fontes, maibé sira kopia de’it komunikandu imprensa redasaun husi komitiva Kay Rala Xanana Gusmão ninian, ho ida ne’e mak mídia tolu ne’e, nia publikasaun hanesan de’it no tuir mai mídia independente no diáriu mos sira nia konteudu hanesan.

Tanba ne’e, mak sira nia atribuisaun, ne’e hanesan de’it Padre, padre hotu, mezmu tatoli no mídia barak publika tiha ona ka atribuisaun iha tinan kotuk, publika ne’e la tuir nafatin eis padre, tanba dokumentus referénsia atribuisaun ne’e hanesan de’it.

“komunikadu imprensa bele sai fontes de informasaun lejitima ba jornalista  sira, maibé jornalista sira mos tenke buka dadus no fontes sira ne’ebé atu hetan opiniaun kontráriu, ida ne’e mak mídia sira ne’ebé kobertura ne’e la halo.

Kestaun primeiru ne’e mak ikus sai bo’ot iha publiku ne’e mak aprezentasaun faktus ne’ebé mak mídia sira hato’o ne’e husi parte ida ne’ebé pozitivu deit no  buat ne’ebé mak hakerek iha komunikadu imprensa haruka, midia sira ne’ebé mak ba halo kobertura ne’e failla atu aprezenta faktus jornalístiku sira seluk ne’ebé implika eis Padre ne’e.

Tanba dadus mídia sira la fó sai hanesan agora da-daun nia hetan estatutu Termu Identidade Rezidensia (TIR) husi Ministériu Públiku no publikamente halo ona akuzasaun ba krime sira ne’ebé mak nia halo ona demografia infantil, sexual no sira seluk.

Jornalista   : Rita Moniz

Editora       : Nelya Barros