Lafaek News—Operador Telekomunikasaun Telkomcel nu’udar operador dahuluk lansa aplikasaun “MyTimor” Gojek Timor nian nu’udar taxi online hodi lori sasán ho ema iha Timor Leste.
Imajen asina MoU entre CEO Telkomcel ho diretor ezekutivu kompania Corrotrans Timor Leste. foto OCA Telkomcel.
Maski Iha ámbitu pandemia COVID-19, ne’ebé koñesidu iha mundu afeta atividade ema hotu nian sai limitadu, hanesan akontese iha nasaun barak ne’ebé moris iha situasaun lockdown.
Ho situasaun ne’e Telkomcel hanesan Kompañia Telkomunikasaun ida iha Timor-Leste, ne’ebé hanesan Oan husi kompañia bo’ot Indonézia Telkom Group nafatin halo inovasaun no inisiativa Lansa produtu “MyTimor” aplikasaun taxi online ne’ebé lori ema no mos lori sasán primeiru iha Timor Leste.
Telkomcel hare’e Timor-Leste hanesan nasaun ne’ebé mak dezenvolve tebes no iha jéneru millennial ne’ebé ativu uza media Teknolójia, nune’e MyTimor bele sai aplikasaun ne’ebé povu Timor-Leste bele uza iha momentu pandemia ida ne’e hodi hala’o atividade ho seguru, fasil no nafatin tuir protoklu saude nian.
Tuir CEO Telkomcel Yogi Rizkian Bahar, espika aplikasaun ida ne’e hanesan produtu inovativu husi matenek foin sa’e Timor-oan sira ne’ebé iha Telkomcel hodi ajuda povu Timor-Leste nafatin bele hala’o atividade ho seguru, fasil iha momentu ne, no hanesan mos ho vizaun no klalaok husi CEO Telkom Group, katak Telkom Group tenke sai hanesan kompañia primeiro ne’ebé ema hili hanesan Kompañia Telco Digital hodi desenvolve Povu no Nasaun, Tenik CEO Yogi ho edukasaun gradua husi ITB, iha serimónia lansamentu aplikasaun My Timor iha Timor Plaza, sesta (04/12/2020).
Nia argumenta, MyTimor hanesan aplikasaun transporte online primeiro iha Timor-Leste ho User Experience ne’ebé di’ak tebes, Telkomcel hala’o aplikasaun ne’e servisu hamutuk mos ho Corrotrans, kompañia lokal iha Timor Leste iha parte transporte taxi.
Aplikasaun ho naran “MyTimor” ne’ebé siknifika “Ha’u nia Timor” ho nia tagline Buat hotu sai fasil ne’ebé hakarak hatudu katak My Timor sei halo buat hotu sai fasil, aplikasaun ne’e ho modelu hanesan mos aplikasaun Indonesia ho naran Grab no gojek, komesa husi nia prosesu registo ate nia atividade ne’ebé my timor oferese, maibe aplikasaun ne ho nia ponto serve iha Timor-Leste ne’ebé mak bele garantia nia linha ne’ebé diak iha prosesu reserva no hare ponto husi sofer.
Aleinde ne’e, MyTimor mos bele uza hotu ba kliente operador seluk (bele utiliza numeru operador hotu-hotu) ne’ebé iha Timor-Leste, MyTimor lansa ona iha loron 4 Dezembru 2020, ne’ebé assiste husi reprezentante Duta Besar Embaixada Indonesia, Sr. Partogi, reprezentante Ministeriu TRansporte Telekomunikasaun, Nelson Martins nu’udar vise diretor jeral DNTT, vise governador Banku Central no reprezentante sira seluk husi instituisaun PNTL, F-FDTL, CCI-TL, Telemor, Timor Telekom, reprezentante TIC Timor-Leste no sira seluk tan.
Telkomcel espera ho aplikasaun e bele halo fasil povu hodi hala’o atividade uza aplikasaun ne’e . Team Telkomcel bele servisu ho diak atu to nia mehi lori Telkomcel sai hanesan Kompañia ne’ebé fo impaktu positivu no halo desenvolvimentu ba nasaun Timor-Leste.
Média Telkomcel
