Lafaek News—Sosíedade Sívil Timor Lorosa’e Direitu Umanu (HAK), aprésia ho públikasaun media online Lafaek News iha tinan kotuk liga-du inundasaun ne’ebé akontese ba pre-eskolar BEMMALAIA Manleuana.
“Iha inísiu bainhira HAK hetan informasaun la se’es hosi ita nia maluk sira hosi media LafaekNews, HAK hetan públikasaun ida dezafia hakat mai iha fatin ida ne’e, hodi hatene ka halo monitorizasaun ba situasaun direitu umanu no dezáfiu, progressu ne’ebé ita nia eskola refere hasoru,” reprezentante HAK Carlito da Costa atúal ofísial monitoring no advokásia, hato’o liuhosi diskursu iha ámbitu graduasaun estudante Pre-eskolar BEMMALAIA iha Manleuana, sesta (04/12).
Afirma nia, iha parte ida HAK ninia kbi’it atu hatene situasaun real hosi edukasaun atu nune’e bele hatutan ba parte relevante hanesan diresaun edukasaun munisípiu hodi sira bele elabora programa no hare direita kondisaun eskola ne’ebé seidauk di’ak.
“Ami hare, hanesan ohin xefe hatete dezáfiu barak ne’ebé mak hasoru. Iha momentu ida ne’e ha’u reprezenta HAK hakarak hato’o apresiasaun ba xefe eskola ho ninia profesór sira. Tanba ho imi nia valór solidariedade la fasil, ha’u hetan informasaun sira dala ruma forsa ne’e la’ós mai hosi ema ida de’it, maibé hosi imi hotu nia apoiu. Eskola ne’e bele sai susesu,” nia tenik
Jornalista : João da Costa Soares
Editór : Ezequias Tomás
